ĀCƐ URÓM 10
10
1Ayínɛ́ um, ɔdā nōo kwu um ɔtū nɛ̄ɛ̄nɛ̄hi ā, mɛ́mla ɔkɔ nɛ̄ um gbā lɛ Ɔwɔicō ohígbū ācɛ ɔlɛ́ um ā, wɛ ka ɔwɛ nyá nɛ̄ Ɔwɔicō lɔfú nya uwá tá glá ā! 2N cɛ̄ uwā ijáalí ka ó kwu uwá ɔtū nɛ̄hi kéē cɛ̄ Ɔwɔicō ɛhɔ̄, amáŋ é jé ɔwɛ ɔkwɛ̄yi nēé gē bī lɛ cɛ̄ Ɔwɔicō ɛhɔ̄ ā ŋ́. 3Ohígbū ka é jé ɔwɛ nɛ̄ Ɔwɔicō gē bī le ka ācɛ gwó mla iyī nū ā ɛ́ɛ́ ŋ́, ikɔkɔ ɔ́ɔmā é cēyītīkwū kéē kwú ɔwɛ kú abɔ̄yī uwā nōo í cɛ̄ lɛ Ɔwɔicō hɛ́pɔ̄hi lɛ uwá ā í kwajɛ. Anɔ́ɔ é yɛce ɔwɛ nɛ̄ Ɔwɔicō gē bī le hɛ́pɔ̄hi lɛ ācɛ ā ŋ́ má. 4Ohígbū ka Ohɔ́nyɛtá í cɛ̄ lɛ íne lɔfú gɛ ŋ́, o yá ɛ́ɛ́ kú Ɔwɔicō kóō lɛ ācɛ nēe cɛ̄ɛ̄lā nū ā kagwó mla iyī nū ā.
Ɔwɔicō nya ɔ̄cɛ dóódu tá glá
5 #
Ulīf 18.5
Umósīsi tá tū ipú ɔkpá lɛyíkwu o kagwó mla Ɔwɔicō nōo ŋmá lɛ o lɛ íne ā tū kahíníī, “Ɔ̄cɛ dúúmā nōo lɛyítáajɛ lɛ íne ā géē yēeyī.” 6#Obla 30.12-14Amáŋ ɛ̄nyā wɛ ɔdā nɛ̄ ɔkpá kú ɛlɔ̄ɔwɔicō ka lɛyíkwu o kagwó mla Ɔwɔicō nōo ŋmá lɛ o cɛ̄ɛ̄lā Ɔwɔicō ā á, “Á híī da iyī uwɔ ɔ̄kā ka, ‘Ɔ̄nyɛ géē ga ɔkpáncō ā? (ɔ́ɔmā wɛ ka o ga ipú ɔkpáncō gaá á da Ohɔ́nyɛtá kóō wāajɛ ɛgiyí alɔ). 7“Ɛ́ɛ́ nāa í ka kahíníī, “Ɔ̄nyɛ géē ga ɔlékwū” (Ɔ́ɔmā lé ka o nyɔ̄ í je Ohɔ́nyɛtá héyī ŋmá ɔlékwū). 8Ɔdā nēé tá ipú ɔkpá kú ɛlɔ̄ɔwɔicō ā yɔ̄ á, “Olɛhɔ̄ kú Ɔwɔicɔ̄ kwu uwɔ ajaajɛ, ó yɔ̄ ipú okónu kú uwɔ mɛ́mla ipú ɔtū kú uwɔ.” Ɔ́ɔmā wɛ olɛhɔ kú ɔtōōkpóce Ɔwɔicō nɛ̄ alɔ tɔ́ɔna nū lɛ aá ā á. 9Ohígbū ka ɔ́dāŋ ka a bī okónu kú uwɔ ka tɛ́ɛcɛ ka Ujísɔ̄si wɛ Óndú á, nāa kē cɛ̄ ipú ɔtū kú uwɔ ka Ɔwɔicō je ɔ́ héyī ŋmá ɔlékwū á, Ɔwɔicō géē nya uwɔ tá. 10Ohígbū ka o ŋmá lɛ ō cɛ̄ɛ̄lā Ɔwɔicō ipú ɔtū kú alɔ ā nēe le ka alɔ gwó mla Ɔwɔicō á. Ó kē wɛ o bī okónu kú alɔ ka tɛ́ɛcɛ ā yá nēé nya alɔ tá á. 11#Ayis 28.16Ohígbū kéē ka ipú ɛlɔ̄ɔwɔicō kahíníī, “Ɔ̄cɛ dóódu nōo cɛ̄ɛ̄lā Ɔwɔicō, uwēyī í gáā kwú ɔ̄ ŋ́.” 12Ɛjɛ̄ɛ̄jī ācɛ wɛ ipú ɛ̄nyā ā, ohígbū ka ɛyɛ́ɛyɛ́yí í yɔ̄ ɔtāhɛ̄ kú ācɛ Ujíyu mɛ́mla aílɔ́wá ŋ́. Óndú ékpónú ā wɛ Óndú kú odúúdú ācɛ á. Ó kē je agbénú kú nū lɛ odúúdú ācɛ nēe gē ba ŋmá ɛgiyí nū ā. 13#Ujów 2.32Ɛ́gɛ́nɛ̄ é tá ipú ɔkpá kú ɛlɔ̄ɔwɔicō lɛ ā, “Ɔ́dāŋ́ ka ɔ̄cɛ dóódu lɛ iyē kú Óndú ā hī, ó géē nya ɔ́ tá.” 14Amáŋ ɔwɛ nyá nɛ̄ ācɛ kē í hī ɔ̄ igwú kóō tá uwā abɔ̄ ɔ́dāŋ ka é cɛ̄ɛ̄lā nū ŋ́ mā ā? Ɔwɛ nyá nēé kē í cɛ̄ɛ̄lā nū ɔ́dāŋ́ kéē pó olɛhɔ̄ ā jééjéē ɛ́ɛ́ ŋ́ mā ā? Ɔwɛ nyá nēé kē í pó olɛhɔ̄ ā ɔ́dāŋ́ ka ɔ̄cɛ dúú í bī ɔ̄ tɔ́ɔna lɛ uwá ŋ́ mā ā? 15#Ayis 52.7Anɔ́ɔ ɔwɛ nyá nɛ̄ olɛhɔ̄ ā í ga ɛgiyí ācɛ glá ā ɔ́dāŋ ka Ɔwɔicō í tū ācocɛ̄hɔ̄ ɛhɔ̄ gɛcɛ ŋ́ mā ā? Ɛ́gɛ́nɛ̄ é tá ɔ̄ ipú ɔkpá kú ɛlɔ̄ɔwɔicō lɛ ā, “Ó wɛ ɔdōlɔhi nɛ̄hi ka ācɛ kéē bī ɔkōōlɔhi ā wā.” 16#Ayis 53.1Amáŋ ó wɛ odúúdú uwā cɛ̄ ɔkōōlɔhi ā ŋ́. Ohígbū ka Ayisáya kahíníī, “Óndú, ɔ̄nyɛ cɛ̄ olɛhɔ̄ nɛ̄ ó pó ŋmá ɛgiyí alɔ ā?” 17Abɔ̄ nōó le ā, ācɛ cɛ̄ɛ̄lā kú Ɔwɔicō, o ŋmá lɛ olɛhɔ̄ ā nēé pó ā, olɛhɔ̄ ā kē wā ŋmá ɛgiyí ɔ̄cɛ éyi nōo tɔ́ɔna kú Ɔ̄kōōlɔhi lɛyíkwu Ohɔ́nyɛtá.
18 #
Aíjē 19.4
Amáŋ n da ɔ̄kā ka, é pó olɛhɔ̄ ā ŋ́ ɔkwɛ̄yi nɛ̄ɛ? É i pó gbóó. Ohígbū kéē tá ipú ɔkpá kú ɛlɔ̄ɔwɔicō kahíníī,
“Ɛlā nēé le ɔkɔ cɛyí tɔ́ɔna kú nū ā le tá ipú ahɔ̄ kú ɛjɛ̄ɛ̄jī ācɛ kú ipú ɛcɛ ā.
Ɛlā kú uwā kē le yɛ tá ɛgiyí ācɛ nēe bá oŋmɛ́yí kú ɛcɛ ɛɛ́.”
19 #
Obla 32.21
N klla ī dɔɔ̄kā kpɔ́ ka, ācɛ kú Ísrɛ̄lu í jɛ́ɛ́yí nū ŋ́ ɔkwɔ̄kwɛ̄yi nɛɛ? Umósīisi abɔ̄yī nū nōo yɔ̄ ī kɛlā kwɛyí Ɔwɔicō ā wɛ ɔ̄cɛ aflɛ́yí nōo tóohi ā kahíníī,
“N géē hɔ́hā ce aéwo nēé wɛ éwo ɔkwɛ̄yi ŋ́ mā ā, o yá ɛ́ɛ́ ká aá kpópú uwā.
N géē hɔ́hā ce aílɔ́wá olíla cɛ́ɛ́ kú ācɛ ɔlɛ́ um kéē cɔ̄nū.”
20 #
Ayis 65.1
Anɔ́ɔ Ayisáya lɔtū lɛ ɛlā ka kwɛyí Ɔwɔicō kahíníī,
“Ācɛ nēé yɔ̄ ī dɔɔ̄kā um ŋ́ mā le um pīyɛ̄.
N kē lɛ iyī um mafú lɛ ācɛ nēé dɔɔ̄kā um ŋ́ mā ā.”
21 #
Ayis 65.2
Amáŋ Ɔwɔicō kɛlā lɛyíkwu ācɛ kú Ísrɛ̄lu kahíníī, “O ŋmá ɔ̄cɔ̄ɔ̄cī í kwu ɔ̄nɔ̄ɔ̄nɛ̄ n le abɔ̄ kú um nāńdaa ká n̄ mīyɛ ācɛ nēe ī yíkpɛ̄yí olɔfú tū um klla ī bɛ́yíkwu um ā.”
Currently Selected:
ĀCƐ URÓM 10: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma
