ĀCƐ URÓM 12
12
Oyēeyī ká ālɔ̄ cɛ̄ Ɔwɔicō ɛhɔ̄
1Ohígbū ɔ́ɔmā ā ayínɛ́ um, ohígbū eyīnyinyi ce eyīnyinyi alɔ nɛ̄ Ɔwɔicō má ā n gē lɛ abɔ̄ tɛ́yīpɛ̄ lɛ aá, ká aá kwú iyī aá ú bɛ̄ɛka ɛya nēé gwó oyēeyī lɛ Ɔwɔicō ā, ká aá kwú ɔtū ká aá ú tá ká aá cɛ̄ ɔ̄ ɛhɔ̄ ɔwɛ nōo í he ɔ́ ɔtū. Ɛ̄nyā wɛ ɔwɛ ɔkwɛ̄yi nɛ̄ aá cíkā ō gbā Ɔwɔicō ɛ̄gbā á. 2Aá híī yá ucē gbla ācɛ kú ipú ɛcɛ nyā ŋ́, amáŋ je ɛga lɛ Ɔwɔicō kóō lɛ ɔwɛ nɛ̄ a gē gbɛlá ā pīyabɔ̄. Cɛ́ɛ́ a géē jé odúúdú aɔ́dā nēe lɔhi klla he Ɔwɔicō ɔtū ā.
Ɔwɛ olɔhi ō bī ɛhi kú Alelékwū
3Ohígbū ɛhi nɛ̄ Ɔwɔicō je gā um mā, n da ɛjɛ̄ɛ̄jī aá ka, aá híī gbɛlá je iyī aá gicō fíyɛ́ ɛ́gɛ́nɛ̄ o cíkā ā ŋ́. Amáŋ aá gbēyī gɔɔ cɛ́ɛ́ ká aá je iyī aá ɛ́gɛ́nɛ̄ aá kpɔ́tūce Ɔwɔicō lɛ ā. 4#1 Ukɔ́r 12.12Ɛ́gɛ́nɛ̄ ɔnyɔɔnyɛ kú alɔ lɛ ɔkpíyē nōo lɛ ābɔ̄ ɛyɛ́ɛyɛ́yí alɛwa nēe kē ī yúklɔ́ ɛyɛ́ɛyɛ́yí ā. 5Ɔwɛ ékpónú ɔ́ɔmā, nááná nɛ̄ alɔ wɛ ācɛ ɛyɛ́ɛyɛ́yí alɛwa ā, alɔ lɛbɛ̄ɛka ɔ̄cɛ ékpónú mla Ohɔ́nyɛtá ā. Ɔnyɔɔnyɛ kú alɔ kē wɛ ābɔ̄ kú ɔ́mpā nū, nēe cɛgbá ācɛ ohile. 6#1 Ukɔ́r 12.4-11Ohígbū ɔ́ɔmā alɔ bī ɛhi ɛyɛ́ɛyɛ́yí nɛ̄ ɔnyɔɔnyɛ ká alɔ lɛ ā le yúklɔ́ ɛ́gɛ́nɛ̄ Ɔwɔicō je ɔ́ lɛ alɔ lɛ ā. Ɔ́dāŋ ka ɛhi kú alɔ wɛ ō bī olɛhɔ̄ kú Ɔwɔicō tɔ́ɔna nɛɛ, ālɔ̄ bī ɔ̄ tɔ́ɔna í kwu ɛ̄jīla nɛ̄ alɔ cɛ̄ɛ̄lā Ɔwɔicō í kwu ā. 7Ɔ́dāŋ́ ka ó wɛ ō cɛ̄ ācɛ ɔhá ɛhɔ̄ nɛɛ, ayíbɛ ālɔ̄ cɛ̄ ācɛ ɔhá ɛhɔ̄. Ɔ́dāŋ ka ó wɛ o nwū ācɛ ɔdā nɛɛ, ayíbɛ ālɔ̄ kwú iyī alɔ í tá ɔdā ō nwū ā. 8Ɔ́dāŋ́ ka ó wɛ ō tá ācɛ ɔhá ɔtū kwu ɔtū nɛɛ, ayíbɛ ālɔ̄ yá lɛ ā. Ɔ̄cɛ nōo kē ī yɛ́ɛhi kóō yá nwuné nwuné. Ɔ́dāŋ́ ka a wɛ otrɛ̄yí nɛɛ, a cíkā ō cēyītīkwū. Ɔ̄cɛ nōo kē ī yá ɔdā dúúmā ohígbū eyīnyinyi kóō bī ɔtū nɛ̄hɛ́ le yá ɔ̄.
9Eko nɛ̄ aá í yíihɔtū, óō wɛ ihɔtū ɔkwɛ̄yi. Aá tá ɔdā nōo bɔ̄bí, aá lɛ abɔ̄ flá tū ɔdā nōo lɔhi. 10Aá yíihɔtū tá ɔ́mpa aá bɛ̄ɛka ayínɛ́ ékpónú ā. Aá híī kpéeko bónū ō lɛ ojīlīmā ce ɔ́mpa aá ŋ́. 11Aá cēyītīkwū, aá híī kwáahi ŋ́. Aá cɛ̄ Óndú ā ɛhɔ̄ mla ɔtū ékpónú. 12Aá yɔ̄ ī gwéeyē ohígbū ka aá lɛ eyīyōce. Aá lɔ́tūle eko nɛ̄ ācɛ ɔhá ī junwalu lɛ aá. Aá híī hɛ́ bené ŋmá ɔkɔ nɛ̄ aá ī gbā ā ŋ́. 13Aá je ɔdā nōo ce aɔ́mpa aá nēe wɛ ācɔ̄lóhɔ́nyɛtá ɛgbá ā lɛ uwá. Aá mīyɛ ayínɛ́ aá ācɔ̄lóhɔ́nyɛtá nēe wɛ ugbɔga ā wā ɔlɛ́ aá.
14 #
Umát 5.44; Ulúk 6.28 Aá ba Ɔwɔicō cɛ́ɛ́ kóō hɔ́hā ce ācɛ nēe ī yá aá ŋmó ā. Aá da ɔ́ kóō hɔ́hā ce uwá, óō híī wɛ o da ɔ́ kóō tá okónu lɛ uwá ŋ́. 15Aá gwéeyē mla ācɛ nēe gē gwéeyē, aá jikwū mla ācɛ nēe ī jikwū ā. 16#Aíit 3.7Aá lā ɛbɔ́ mla ɔ́mpa aá. Aá híī yá ɔbɔ́ɔ̄cɛ ŋ́, amáŋ aá tíyē kwu ācɛ nēe gbɛhá ā, ɔ̄cɛ dúú kóō híī gbɛlá ka anúɔ je odúúdú ɔdā dóódu ŋ́. 17Aá híī bī obɔ̄bí le cíla ulé obɔ̄bí dúúmā ŋ́, amáŋ aá cēyītīkwū kú aá yá ɔdā nɛ̄ ɛjɛ̄ɛ̄jī ācɛ ka kóō wɛ ɔdā olɔhi ā. 18Aá yá ɔdā dúúmā nōo tɔ́ɔtɛ́ lɛ aá kú aá lā ɛbɔ́ mla odúúdu ācɛ. 19#Obla 32.3519 Ācɛ ō he um ɔtū, aá híī gwɔ̄ɔ́ci ŋ́, ikɔkɔ ɔ́ɔmā aá lɛ ɛga je lɛ Ɔwɔicō kóō ŋmó ɔ̄cɛ ɔ́ɔmā ɛpɔ̄bí. Ohígbū kéē tá ipú ɔkpá kú ɛlɔ̄ɔwɔicō kahíníī, “Ami í gwō ɔ́ci á, n géē cíla ulé, abɔ̄ Óndú ā ka lɛ á.” 20#Aíit 25.21,22Aá híī gwɔ̄ɔ́ci ŋ́, amáŋ “ɔ́dāŋ ka ɛmiyɛ í ŋmó olɛlā kú uwɔ, je ɔdōlé lɛ ɔ́. Ɔ́dāŋ́ ka ijēēnyi ī ŋmó ɔ̄, je éŋkpɔ̄ lɛ ɔ́. Ohígbū ka o ŋmá lɛ ɛ́gɛ́nyā nɛ̄ aá ī yá, í cɛ̄ lɛ uwēyī í kwú ɔ̄.” 21Aá bī ɔdā olɔhi ō yá le yá ɔdōbɔ̄bí lé.
Currently Selected:
ĀCƐ URÓM 12: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma
