É lɛ ābɔ̄ ōhī kú ɔcí nēé hī ka ólīifu nēé hí ā gwó bónū, anɔ́ɔ é lɛ ābɔ̄ kú ólīifu kú ipácí hɛ́ kwu ɔ́, cɛ́ɛ́ kú ābɔ̄ ā kóō lū ŋmá enyi ō pi ŋmá ipú ɛ́nɛ́ ɔcí ā. Aá nēe wɛ aílɔ́wá ā lɛbɛ̄ɛka ɔcí kú ólīfu kú ipácí ā, abālɔbányā ā lɛ ukpɛ̄ kú ɔdā olɔhi nɛ̄hi kú ācɛ Ujíyu ā lɛ dúú ɛ́ɛ́. Anɔ́ɔ abɔ̄ nōó le ā, aá híī leyī gwō ācɛ nēé hɛ́ bónū bɛ̄ɛka ābɔ̄ ɔcí ā ŋ́. Ɔwɛ nyá nɛ̄ aá í gwō ā? Aá wɛ ābɔ̄ ōfōōfūnū nɛ̄ n, aá gē tá ɛgba ā abɔ̄ ŋ́, ɛgba ɔcí ā gē tá aá abɔ̄ á.