KILAHNA 2
2
Ephesus Halttuom Pawlpi Tunga Thu Kigen
1“Ephesus hlattuom pawlpi’ vantungmi tungah giel in: Tam teng pen a zietlam khutah aasi sagi tawi-in kham meivah tunna sagi lahah a vah kawikawi pa’ kammal ahi hi:
2“Keima in na nasepte, na gimnate le na thuohzawh hatnate ka thei hi. Nang in sietna bawlte na thuoh zawh lo lam ka thei hi; sawltahpi hi lopi sawltahpi ka hi uhi, a ci mite sittelin a zuou ahi lam uh na munate zong ka thei hi. 3Keima’ min ziehin lungduoi tahin thuohin na cimtah lo lam zong ka thei hi. 4Hizongle kang mawsahna khat om veve a, tua khu nang in itna masa pen na nuasie ta hi. 5Tua ciengin bang ka ci pua ta ahei ci phawh inlen, kisiakia-in na sil bawl masate bawlkia in. Na kisiakia sih poma leh nangma kungah hing pei-in a opna mun panin na meivah tunna ka hemkhie ding hi. 6Hinanle nang ang kipatatna pen tami ahi hi: Keima in zong ka muda ahi Nicolas pawlte’ nasepna na muda hi. 7Hlagau in hlattuom pawlpite tunga a thugente khu bil nei poma in za taheh. Keima in a guolzo mi zosie tungah Pasien’ paradise sunga a om hinna singkung neh theina thu ka pie ding hi. #Pien 2:9; Kln 22:2; Ezk 28:13; 31:8#Pien 2:9; Kln 22:2; Ezk 28:13; 31:8
Smyrna Hlattuom Pawlpi Tunga Thu Kigen
8“Smyrna hlattuom pawlpi’ vantungmi tungah giel in: A masa pen le a nukhia pen, a si ngaisa le a hingkia pa’ thugen tam bang ahi hi:#Isa 44:6; 48:12; Kln 1:17; 22:13 9“Nang na hau vangin na gentheina le na zawnna ka thei hi. Jew mi hi lo napi ka hi uhi, ci-in kigenin hizongle Satan’ pawl ahi zawte’ ang gensietna ka thei hi. 10Na gim thuoh dingte zau vawt sin. Pilvang in, dawimangpa in nang ang ze-et nadingin note kimkhat thong sungah hing khumin ni sawm sung gentheina na thuoh ding uhi. Si tanpha-in muonhuoi in, tua hile keima in hinna lukhu kang pie ding hi. 11Hlattuom pawlpite tunga Hlagau thugen khu bil nei poma in za taheh. A guolzo poma nivei sina in a gimsah sih ding hi.#Kln 20:14; 21:8
Pergamum Hlattuom Pawlpi Tunga Thu Kigen
12“Pergamum hlattuom pawlpi’ vantungmi tungah giel in: A langni-a a hiem namsau nei pa’ thugen tam bang ahi hi:
13“Satan’ kumpi topha opna muna a teng na hi lam kang thei hi. Hinanle ka min na pomdet a, Satan opna mun note lahah a kithat ka teci, ka mi muonhuoi pa Antipas khan lai nangawnin kei#2:13 Ahi sihle “ka upna na niel sih hi” nei upna na niel sih hi. 14Hizongle na tungah mawsahna themkhat ka nei hi: Nang in milimte mai-ah kithoina ante nesahin numei-pasal pahtatna a bawl nadingun, Israel mite mai-ah suikhah ding na khat koi dingin Balak tunga thu a hil Balaam’ thuhilna a pom mi kimkhat na nei hi.#Gam 22:5, 7; 31:16; Thkna 23:4; Gam 25:1-3 15Tuaci’n nang in Nicolas thuhilna a pom mi pawlkhat zong na nei hi. 16Tua ahi ciengin kisiakia in. Na kisiakia sih leh na kungah kang naw pei ding a, ka kam sunga namsau tawh amate ka do ding hi. 17Hlattuom pawlpite tunga Hlagau thugen khu bil nei poma in za taheh. Keima in a guolzo mi zosiete tungah phuolsel manna kimkhat ka pie ding a, suongkang khat le a tunga min tha kigiel khat zong ka pie ding hi. Tua suongkang pen a ngate simlo koima in thei lo ding hi.#Pei 16:14-15; 16:33-34; Jhn 6:48-50; Isa 62:2; 65:15
Thyatira Hlattuom Pawlpi Tunga Thu Kigen
18“Thyatira hlattuom pawlpi’ vantung mi tungah giel in: Meikuong kileh banga mit nei pa le sumngo banga keng nei pa’ thugen tam bang teng ahi hi:
19“Na gamtatnate- itna, upna, nasepna, le lungduoi taha na thuozawhnate ka thei hi. Na sep masa pen sangin na sep nukhia pen a thupi zawh lam zong ka thei hi. 20Ahi vangin nang tungah mawsah ding thu tami ka nei hi: Nang in numei-pasal pahtatna le milim biehna ante ne dingin ka nasemte#2:20 Gk “silate “ hilin a puikhiel, ama le ama kamsang a kici numei Jezebel na kham sih hi.#1Kum 16:31; 2Kum 9:22, 30 21Tua numei a kisia nading hun ka pieh vangin a numei-pasal pahtatna panin a kisia nuom tuon sih hi. 22Kidawm un, tua nu tawh a pahtatnate uh panin a kisiakia sih uleh, tua numei le ama tawh a pahtat zosie lupna ka ngahsah ding a, gimna lienpi ka thuohsah ding hi; 23tuale keima in tua numei’ tate ka satlia ding hi. Tua ciengin hlattuom pawlpite zosie in kei pen lungsim le lungtang a sui pa ka hi lam ei thei ding vua, khat ciet tungah na gamtatna utawh kituohin kang thuhkia ding hi.#Late 7:9; Jer 17:10; Late 62:12 24Hinanle Thyatira khuo sunga om tami thuhilna a pom lo, mi pawlkhat in, ‘Satan’ thuthuh pite,’ a ci thute zong a sin kha vawt lo no adang teng tungah keima in vangih dang khatpo kang suon sih hi, ci thu kang gen hi. 25Kang pei masangin na neisun teng uh na tukip bembom un. 26A guolzo le ka nasepna a tawp tanpha-a a zomsuoh mi zosie tungah,
keima in minamte tungah
thuneina ka pie ding a,
27leibeelte a kisatguoi bangin ama in
sia ciengpum tawh amate uh#2:27 Ahi sihle “a cing ding” ding hi,#Late 2:8-9
28keima zong ka Pa kung panin thuneina nga ka hi hi. Keima in zong a guolzo mi pa tungah zingsol aasi ka pie ding hi. 29Hlattuom pawlpite tunga Hlagau thugen khu bil nei poma in za taheh.
Currently Selected:
KILAHNA 2: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
