Popular Bible Verses from KILAHNA 2

Share

Hizongle kang mawsahna khat om veve a, tua khu nang in itna masa pen na nuasie ta hi.

Tua ciengin bang ka ci pua ta ahei ci phawh inlen, kisiakia-in na sil bawl masate bawlkia in. Na kisiakia sih poma leh nangma kungah hing pei-in a opna mun panin na meivah tunna ka hemkhie ding hi.

Na gim thuoh dingte zau vawt sin. Pilvang in, dawimangpa in nang ang ze-et nadingin note kimkhat thong sungah hing khumin ni sawm sung gentheina na thuoh ding uhi. Si tanpha-in muonhuoi in, tua hile keima in hinna lukhu kang pie ding hi.

Hlagau in hlattuom pawlpite tunga a thugente khu bil nei poma in za taheh. Keima in a guolzo mi zosie tungah Pasien’ paradise sunga a om hinna singkung neh theina thu ka pie ding hi.

“Keima in na nasepte, na gimnate le na thuohzawh hatnate ka thei hi. Nang in sietna bawlte na thuoh zawh lo lam ka thei hi; sawltahpi hi lopi sawltahpi ka hi uhi, a ci mite sittelin a zuou ahi lam uh na munate zong ka thei hi.

Keima’ min ziehin lungduoi tahin thuohin na cimtah lo lam zong ka thei hi.

Hlattuom pawlpite tunga Hlagau thugen khu bil nei poma in za taheh. Keima in a guolzo mi zosiete tungah phuolsel manna kimkhat ka pie ding a, suongkang khat le a tunga min tha kigiel khat zong ka pie ding hi. Tua suongkang pen a ngate simlo koima in thei lo ding hi.