KILAHNA 1
1
Thupatna le Hopina
1Tami pen a sawt lo-a ang tung bai ding, a nasemte#1:1 Gk “silate “ tungah a lah dinga Pasien in ama a pieh Jesu Khrist kilahna ahi hi; ama in vantung mite sawlin ama’ nasempa#1:1 Gk “silapa “ John theisah a, 2John in Pasien’ thu le Jesu Khris’ teci panna a mu zosie nangawn teci a pang hi.
3Tua kamsanna thute a ginga a simte mi hampha ahi a, a sunga kigiel thute za-in a zui mite mi hampha ahi hi; azieh pen a hun a nai ta hi.
4John in Asia gam sunga om hlattuom pawlpi sagite kungah:
Tuhun, a tawpsa hun, le mailam huna ang om lai ding pa le ama’ topha mai-a om hlagau sagite pan le,#Pei 3:14; Kln 4:5 5a muonhuoi teci pa, misite lah panin a suoh masa pen, leitung kumpite a uhpa, Jesu Khris tung pan hepina le lungnopna note tungah hing om taheh.
Eite ei it a, a sisan ziehin i mawnate panin ei suohtasah, #Isa 55:4; Late 89:27#1:5 Adang tang laibute ah “ei silsieng” ci-in kigiel hi. 6ama’ Pa Pasien nasem dinga kumpi le siempu ei suohsah pa tungah a tawntungin minthanna le uhzawhna om den taheh. Amen.#Pei 19:6; Kln 5:10
7En un! Meiipi tawh ama ang pei hi;
mit zosie in ama mu ding a,
ama a sun mite nangawnin mu ding uhi;
ama ziehin leitung minam zosie a kap ding uhi.
Tua bang ang hi ding hi. Amen.#Dan 7:13; Mat 24:30; Mrk 13:26; Luk 21:27; 1Thes 4:17; Zech 12:10; Jhn 19:34, 37
8Tuhun, a tawpsa hun, le mailam huna ang om lai ding a Vanglien Topa Pasien in, “Keima a kipatna le a tawpna ka hi hi,” a ci hi.#Kln 22:13; Pei 3:14
Khris’ Mang Muna
9Jesu sungah bawlsietna-a kipan kumpi gam ahi a, lungduoina tawh thuohzawhna ahi zongin, note tawh a thuohton na sanggam uh keima John in Pasien’ thu le Jesu’ teci panna#1:9 Ahi sihle “Jesu adinga teci panna “ ziehin Patmos a kici tuikul ah ka om hi. 10Topa’ ni-in hlagau-ah omin ka nua lamah pengkul banga a gin ngai mama aw khat ka za a, 11“Na mu teng laibu khatah giel inlen, hlattuom pawlpi sagite ahi Ephesus, Smyrna, Pergamum, Thyatira, Sardis, Philadelphia, le Laodecia-te tungah hlah in,” ei ci hi.
12Tua ei hopi awging mu nuomin ka kihei leh kham meivah tunna sagi ka mu a, 13tua meivah tunnate laikim ah puontuolpi silin a awm-ah kham awmgah a gah Mihing Tapa tawh a kibang khat ka mu hi.#Dan 7:13; 10:5 14A lutang le a sam tuumul bangin kangin vua bangin paa hi; a mittangte meikuong kileh tawh kibang hi.#Dan 7:9 15A keng pen pummei sunga sumngo kihal sieng kinawtval bang a, a awgin pen tui tampi a luongton ging tawh kibang hi. #Dan 10:6#Ezk 1:24; 43:2 16A zietlam khutah aahsi sagi tawi a, a kam panin a langni-a a hiem namsau khat pusuoh hi. A maitang sunkim nisa tang pempom tawh kibang hi.
17Ama ka mu ciengin a keng zungah a si bangin ka pua hi. Ahi vangin ama in ka tungah a zietlam khut hing ngamin, “Zau sin; kei pen a kipatna le a tawpna ka hi a,#Isa 44:6; 48:12; Kln 2:8; 22:13 18a hing zing pa zong ka hi hi. Ka na si ngai a, en in, kumtawn kumtawna a hing zing ka hi hi; keima in Sina le Misi khuo tawhtangte ka nei hi. 19Tu-in na musa nate, tu-a om nate, tam zaw cienga ang pieng lai ding nate zosie giel in. 20Ka zietlam khutah na mu aasi sagite le kham meivah tunna sagite’ thu tami ahi hi: Aasi sagite pen hlattuom pawlpi sagite’ vantung mite ahi a, meivah tunna sagite pen hlattuom pawlpi sagite ahi hi.
Currently Selected:
KILAHNA 1: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
