JAMES 3
3
Leii Zuolsahna
1Ka sanggamte aw, thu a hil kote pen a khauzaw-in thu ei kikhen ding ahi ziehin note tampi zong sie na suo sawm da mai un. 2Bangzieh ahei cile ei teng zosie in khielna tampi i bawl uhi. Mi khatpo in a thugenna-ah khielna a nei sih leh ama mi cingtah ahi a, a pumpi zosie a kemcing siem pa zong ahi hi. 3Sakolte in i thu a man thei nadingin a kam sung vuah kamkaih vaw leih a pumpi zosie uh i kiheisah thei kawikawi hi. 4Ahi sihle tembawte en un: Tuate khu a gol mama a, huipi khauh mama in a mut vangin a hawlpa’ deina popo-ah a heina neuno khat tawh kihei kawikawi thei hi. 5Tua ma bangin leii zong i pumpi tungah a neu mama van khat hi napi thu lienpite-ah a kisathei mama hi.
Meikuong neuno khat in gammang tulah katumsah thei hi! 6Tuale leii pen meikuong khat ma ahi hi. Tua leii pen i pumpi nate lahah gitlona lompi khat bangin kikoi hi; tua in i pumpi tung vannuoi buasahin i pienzie buppi#3:6 Ahi sihle “Pienna lengpei “ mei tawh hal a, hell#3:6 Gk “Gehenna “ meikuong tawh ama le ama zong kihaltum hi. 7Bangzieh ahei cile gamsa namcin, va namcin, a bawhva ganhingte le tuipi sunga ganhing namcin kikhawizuol thei a, mihingte in tuate na khawizuol zo uhi. 8Hinanle leii pen a om ngim thei lo a gilo, si theina gu tawh kidim hi a, koima in zuolsah zo lo hi. 9Tua leii tawh Topa le Pa i phat vua, tua leii ma tawh Pasien’ lim le mel suna a kibawl mihingte i samsie uhi.#Pien 1:26 10A kibang kam sung khat panin phatna le samsietna pusuoh ton hi. Ka sanggamte aw, tam bang ahi ding pen kilawm vawt lo hi. 11Tuinah khat pan tuisieng le ciatui a pulton thei amah? 12Ka sanggamte aw, theikung in olive ga-in, lengga gui panin thei a ga thei amah? Citui in tuisieng pulsah thei lo hi.
Pilna Nam Ni
13Note lahah a pil le thuthei koi om ahei? Pilna pana a pieng nunnemna ziehin hinkhuo hoi tawh na sepnate uh ei lah un. 14Ahi vangin na lungtang sung vuah a khalawng thangsietna le angsung khuolna lungsim na nei uleh thuman thutah tungah kisielin zuou sih un. 15Tua bang pilna pen a tunglam pana ang peisuh hi loin leitung pilna, cilesa pilna le dawi pilna ahi hi. 16Azieh pen kithangsietna le angsung khuolna a opna munah kilem lona le gitlona namcin a om hi. 17Hizongle tunglam pana ang pei pilna in a masa penin siengtho a, tua zaw ciengin kilemna dei-in, nunnem a, thuman nopna nei-in, khuotuona le ga hoi tawh kidim a, deidanna om loin kineitawmna zong a om sih hi. 18Kilemna a bawlte adingin#3:18 Ahi sihle “in “ lungnuom taha a tu uh khaici panin dihna ga a at uhi.
Currently Selected:
JAMES 3: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
