Popular Bible Verses from JAMES 3

Share

Hizongle tunglam pana ang pei pilna in a masa penin siengtho a, tua zaw ciengin kilemna dei-in, nunnem a, thuman nopna nei-in, khuotuona le ga hoi tawh kidim a, deidanna om loin kineitawmna zong a om sih hi.

Note lahah a pil le thuthei koi om ahei? Pilna pana a pieng nunnemna ziehin hinkhuo hoi tawh na sepnate uh ei lah un.

Kilemna a bawlte adingin lungnuom taha a tu uh khaici panin dihna ga a at uhi.

Azieh pen kithangsietna le angsung khuolna a opna munah kilem lona le gitlona namcin a om hi.

Tua leii tawh TOPA le Pa i phat vua, tua leii ma tawh Pasien’ lim le mel suna a kibawl mihingte i samsie uhi. A kibang kam sung khat panin phatna le samsietna pusuoh ton hi. Ka sanggamte aw, tam bang ahi ding pen kilawm vawt lo hi.

Tuale leii pen meikuong khat ma ahi hi. Tua leii pen i pumpi nate lahah gitlona lompi khat bangin kikoi hi; tua in i pumpi tung vannuoi buasahin i pienzie buppi mei tawh hal a, hell meikuong tawh ama le ama zong kihaltum hi.

Hinanle leii pen a om ngim thei lo a gilo, si theina gu tawh kidim hi a, koima in zuolsah zo lo hi.

Ka sanggamte aw, thu a hil kote pen a khauzaw-in thu ei kikhen ding ahi ziehin note tampi zong sie na suo sawm da mai un.