JAMES 4
4
Leitung tawh Kilawmtatna
1Note lahah a om tua bang kidona le kihaunate hei pana ang pei ahei? Noma sunga gal a bawl den ahi lunggulna pana tuate ang pei hi lo amah? 2Na khatpo na deigaw#4:2 Ahi sihle “note in tuol thatin na deigaw vua “ vua, na nei tuom sih uhi; tuaci’n tuol na that uhi. Tuale na khat na deigaw vua, na nga zo sih uhi; tuaci’n kihau-in na kido uhi. Note in na nget lo ziehun na nei sih uhi. 3Na ngen vua, na nga sih uhi, azieh pen note in noptat nadingin na nget khiel ziehun na nga sih uhi. 4Angkawmte aw! Leitung tawh kilawmtatna pen Pasien tawh kigalneina ahi lam na thei sih uh amah? Tua ahi ziehin leitung tawh a kilawmta nuom poma Pasien’ gal a suoh hi. 5Ahi sihle Lai Siengtho in, “Ama in eite sunga ang tensah hlagau pen Pasien#4:5 Gk “Ama “ in ngai mama hi,” a ci khu bangma lo a na ngaisut uh amah? 6Hizongle ama in a lienzaw hepina ei pie a, tua ahi ziehin,
“Pasien in a kisatheite do a,
a kiniemkhiehte tungah hepina a pie hi,” ci hi.#Pau 3:34
7Tua ahi ziehin noma ma in Pasien’ thu na mang un. Dawimangpa na do un, tua hile na kung panun a taimang ding hi. 8Pasien kung neh un, tua hile ama in zong ang neh ding hi. No mawneite aw, na khut uh silsieng un, no a lungkaa mite aw, na lungtangte uh siensuo un. 9Da-in kapin mau un. Na nuina uh dana suoh hinlen, na kipahna uh maigumna suoh taheh. 10Topa mai-ah noma le noma kiniemkhieh un, tua hile ama in note ang lamsang ding hi.
Midangte tunga Thukhen ding Hilkholna
11Sanggamte aw, khatlekhat na kigensie sih un. Midang khat a gensie, ahi sihle midang khat tunga thu khen poma thukham gensie ahi a, thukham tunga thu khen ahi hi; thukham tunga thu na khen leh thukham zui pa na hi sih a, thukhen pa na hizaw hi. 12Ei hundam thei le ei susie thei thukham pie pa khat le thukhen pa khat a om hi. Tua ahile na veng pa tunga thu a khen nang koi hi viel na hei?
Zingcieng Thu-a Kisielna
13“Tuni ahiei zingcieng ahiei khatin tanah ahi sihle tua khuopite ah pei-in tuanah kum khat sung tamin, van lei van zua-in sumbawlin sum va sui tavai,” a ci note aw, tu-in ka thugen ngai un. 14Zingcieng bang pieng ding ci thu na thei sih uhi. Na hinna uh bang hi lel ahei? Bang ding ahei cile note pen bano khat sung ang kilaa zaw cienga a thengkia pai tuikhu bang na hi lel bo uhi.#Pau 27:1 15Note in, “Topa’ awina a op leh eite nungta-in, tami ahiei khumi ahiei khat i sem ding hi,” na ci ding uh ahi zaw hi. 16Tua bangin kiphasahin na kisiel sih un; tua banga kisielnate zosie gitlona ahi hi. 17Tua ahi ciengin mi khatpo in bang bawl leng a hoi diei ci thei napi-in a bawl sih leh mawna bawl ahi hi.
Currently Selected:
JAMES 4: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
