1 PETER 4
4
Pasien’ Hepina Kem Mihoite
1Tua ahi ziehin Khris in cilesa sungah#4:1 Adang tang laibute ah “eite adingin” ci-in kigiel hi; adangte ah “note adingin” ci-in kibelap hi. gimna a thuoh lang kalsie, no mama in zong tua bang ngaisutna ma tawh na kigalging un. (Azieh pen cilesa sunga gimna a thuoh poma mawna a tawpsan ahi ta hi). 2Tuaci’n a omlai na leisiet hinkhuote uh#4:2 Gk “tahsa sunga a omlai hunte “ mihingte’ deina bangin hing nawn loin, Pasien’ deina banga a hing ding na hizaw ta uhi. 3Note in Gentile-te’ sep nop ahi thangtatna, huasanna, zukhamna, guolnopna, zu-uong dawnna, thukham palsat a milim biehnate ah na hun uh na zang sieng ta uhi. 4Amate tawh kibangin tua uongtat thanghuoina na zop nawn lo ciengun amate in lamdang sa-in ang gensie uhi. 5Ahi vangin amate in a hinglaite le a sisate’ thukhen dinga a kigingsa-a om pa mai-ah thudawhna a thuoh ding uhi. 6Azieh pen tami thu zieh ma-a misite kung nangawnah lungdamna thu a kitangko hi a, mi zosie thu kikhensa ahi ma bangin, amate zong cilesa sungah thukhensa hinan ule, Pasien ma bangin hlagau sungah a hin thei nading uh ahi hi.
7Sil bangkim a tawp ding hun ang nai ta hi; tua ahi ziehin thu na nget thei nadingun no le no ki-uh zo le pilvang tahin na om un. 8Tua teng zosie banah note khatlekhat nahpi tahin na ki-it un; bangzieh ahei cile itna in mawna tampite a selcip hi.#Pau 10:12 9Phun vawt loin khatlekhat zin na kido un. 10Pasien’ hepina nam tuomtuom a zah siemte bangin note khat ciet in na nga uh ahi letsong popo tawh khatlekhat’ na na kiseppieh un. 11Sil bangkim ah Jesu Khris tungtawnin Pasien’ min a than thei nadingin thu a gen tapo in Pasien’ kammal beh ma a genpa bangin gen taheh; na sem tapo in zong Pasien’ pieh thahatna tawh sem taheh. Tua hile Jesu Khris tungtawnin sil bangkim ah Pasien’ min a thang ding hi. Ama tungah minthanna le uhzawhna om den tawntung taheh. Amen.
Tapidaw Hina Zieha Thuohna
12Ka itte aw, na tung vuah ang sittel ding gimna meikuong ang tun ciengin sil lamdangpi khat ang tung dan bangin ngaisunin lamdangsa sih un. 13Ama’ minthanna ang kilah ciengin note zong lungdam kipahin na kiko thei nadingun, tu tanpha-in Khris’ thuohnate na thuohpina vuah na lungdamzaw un. 14Khris’ min vangin note ang kihosiet leh a hampha na hi uhi, bangzieh ahei cile na tung vuah#4:14 Adang tang laibute ah, “Amate lam panin ama kigensie a, ahi vangin no lam panin ama kipahta hi,” ci-in kibelap hi. Pasien’ Hlagau ahi minthanna#4:14 Adang tang laibute ah “le vanglietna” ci-in kigiel hi. hlagau a om hi. 15Note koima khat beh, tuolthat, guta, mawna lien bawl, ahi sihle thusie bawlte bangin gimna thuohte hi kha sih un. 16Ahi vangin note khatpo in Tapidaw hina zieha gimna na thuoh uleh zong maizumna-in ngaisun sih unlen, tami min na puoh ziehun Pasien na phatzaw un. 17Bangzieh ahei cile Pasien’ innkuonpite tawh kipanin thukhen nading hun ang tung ta hi; tua pen eite tawh kipan ahile Pasien’ lungdamna thu a mang lo mite’ hun tawpna ding thu bang ahi ta diei? 18Tuale
“Midihte hutdam nading hamsa ahile,
Pasien thei lote le mawneite bang a suoh ta ding vuoi?”#Pau 11:31
19Tua ahi ziehin Pasien’ deina tawh kituohin gimna a thuohte in a sil pha bawl uh zom suohin, ciem pel lo a Siempa tungah amau le amau ki-ap uheh.
Currently Selected:
1 PETER 4: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
