1 PETER 5
5
Pasien’ Tuuhon Cing Un
1Tu-in keimama upa khat hi-in Khris’ thuohnate teci a pang pa, ang kilang ding minthanna zong a nga ding pa in note lahah a om upate kang hanthawn hi. 2Note’ kep dinga ang kipie Pasien’ tuuhonte, pausawl thu tawh hi lo, a siengtho lo sum nga nopna tawh zong hi loin, Pasien in note ang dei bangin#5:2 Adang tang laibute ah “Pasien in note ang deina bangin” ci om lo hi. thanopna lungsim tawh na cingzaw un.#Jhn 21:15-17 3Note’ kep dinga ang kipie tuuhonte uhcip sih unlen, tuuhonte’ ette na hizaw un. 4Tua hile tuucing pipa ang kilah ciengin note in a vul thei lo minthanna lukhu na nga ding uhi. 5Tua ma bangin no a khangdawng zawdeute in a khanghamte’ thu na mang un. Na unpi-un khatlekhat tungah kiniemkhiehna puon bangin na sil un, azieh pen,
“Pasien in mi kiphasahte langpan a,
mi kiniemkhiehte hepina a pie hi.”#Pau 3:34
6Tua ahi ziehin ama in pha a sah hun ciengin note ang lapsang thei nadingin a vanglien Pasien khut nei-ah noma le noma na kiniemkhieh un.#Mat 23:12; Luk 14:11; 18:14 7Ama in note ang don ziehin na lungkhamna zosie uh ama tungah nga un. 8No le no ki-uh unlen khuo phawh un. Na galpa uh dawimangpa in koi ka valtum thei diei ci-in sui-in a hawh vapom humpinelkai bangin a vah kawikawi hi. 9Leitung mun zosie-a om na sanggamte un zong note thuoh banga a thuoh ahina thu thei na hi ziehun, ama do unlen na upna vuah kip un. 10Note in gentheina bakhat sung na thuoh zaw ciengun Khris sungah tawntung minthanna nga dinga ang hlan pa, hepina zosie’ Pasien mama in note a ngaingai ang bangsah ding a, ama in hing panpi-in hing thahatsahin zong ang kipsah ding hi. 11Ama tungah a tawntungin thuneina om den taheh. Amen.
A Nukhia pen Hopina le Thuphapiehna
12Keima in sanggam muonhuoi khat a ka ngaituo Silvanus tungtawnin note hanthot nading le tam pen Pasien’ hepina tahtah ahina thu teci ka pan nadingin tami laihlah tomno kang giel ahi hi. Tua thu-ah kip un.#Sawl 15:22, 40 13Note tawh a kiteelton Babylon khuo-a om pawlpi mite#5:13 Gk “Ama nu in “ in ang noset uhi. Ka tapa Mark in zong ang noset uhi.#Sawl 12:12, 25; 13:13; 15:37-39; Col 4:10; Phm 24 14Note khatlekhat itna kinapna tawh na kinoset un.
Note zosie tungah Khris sunga nopna hing om taheh.#5:14 Adang tang laibute ah “Amen” kibelap hi.
Currently Selected:
1 PETER 5: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
