1 PETER 3
3
Zite leh Pasalte
1Tua ma bangin zite aw, na pasalte’ uhna na mang un. Tua hileh amate kimkhat in Pasien’ thu mang sih nan ule, a zite uh’ gamtatzie,#Eph 5:22; Col 3:18 2a siengtho le a zatahhuoi a hinkhuote uh a mu uh ciengin, kam khat zong ham kul sese loin amate kizo thei ding hi. 3Note’ kizepna pen samtumna, kham kizepna, le puonsil hoi nono silnate ahi putham kizepnate hi loin,#1Tim 2:9 4Pasien mai-ah a manpha mama, a tul thei lo hoina ahi lungnemna le lungsim dai dide tawh na sunglam hinna uh na zemzaw un. 5Tanglai Pasien um numei siengthote zong tam bangin kizemin a pasalte’ uhna a na mang uhi. 6Tua bangin Sarah in zong Abraham’ thu mangin ‘topa’ na ci hi. Note zong a hoi-in gamta-in patauna dipkuotna na nei lo laisie uh Sarah’ tanute na hi ta uhi.#Pien 18:12
7Tua bang ma-in no pasalte aw, na thungetnate uh bangma in ang khahtan lo nadingin, na zite utawh hinkhuo na mantonna vuah amate zong hepina zieha hinna letsong luote ahi tah ziehun, no sanga a thanem zawte ahi lam uh theisiemin amate na zatah bawl un.#Eph 5:25; Col 3:19
A Pha Bawl Zieha Thuohna
8A tawpna-ah, note in na unpi-un lungsim kihuolna, khuotuona, khatlekhat ki-itna, lungnemna, le lungsim kiniemkhiehna nei ciet un. 9Gitlona pen gitlona tawh thuhkia loin, hosietna zong hosietna tawh thuhkia sih un; tuale mahin thupha tawh na thuhkia zaw un. Note in thupha khat na nga thei nadingun tam dinga ang kihlan na hi uhi. 10Azieh pen,
“Hinna a it mite le
ni hoite a mu nuom mite in
gitlona panin a leii uh kemin,
zuou genna panin a kam uh kem ta uheh;
11gitlona panin amate kihei-in,
a pha bawl uheh;
amate in kilemna sui-in
tua kilemna thu del ta uheh.
12Azieh pen Topa’ mit in midihte en a,
amate thungetna zong a bil a daw hi.
Hinanle gitlona a bawl mite
Topa in a huo hi.”#Late 34:12-16
13Tu-in a pha bawl ding lawp mama hi locin, koi in no hing bawlsie ding ahei? 14Ahi vangin sil hoi bawl ziehin gimna na thuoh ule zong, thupha na nga ding uhi. Amau’ giinte giing sih unlen, zau seng sih un. 15Hinanle na lungsim sung vuah Khris pen Topa bangin zatah un. Na sung vua om lametna thu ang dong popo a hilcien thei dingin a kigingsa-in om zing un; 16hizongle lungnemna le zatahna tawh gen un.#Mat 5:10; Isa 8:12-13 Khris sunga na gamtat hoina uh a gensiete in ang hosiet ciengin a maizum thei nadingun, na lungsim vuah kisuonna a om lo dingin a siengtho-in na om un. 17Azieh pen thuohna khu Pasien’ deina ahile, a sie bawlna zieha thuohna sangin a pha bawlna zieha thuohna hoizaw hi. 18Bangzieh ahei cile Pasien kungah note#3:18 Adang tang laibute ah “eite” ci-in kigiel hi. ang tut thei nadingin, midih ahi Khris in zong mawnate ziehin midih lote adingin a kimang den dingin khatvei gimna a thuoh#3:18 Adang tang laibute ah “a si hi” ci-in kigiel hi. hi. Ama in cilesa tawh sina a thuoh vangin hlagau tawh kihingsah kia zo hi. 19Ama zong tua hlagau tawh pei-in thong sunga om hlagaute tungah thu a va hil ta hi. 20Tuate pen nidang lai, Noah in tembawpi a bawl hun lai-a Pasien in lungduoi taha a na nga ngetngut thumang lo hlate ahi uhi. Tua tembawpi sungah mi themkhat, mi giet beh, tui in a suohtasah hi.#Pien 6:1–7:24 21Tami tui in tu-a no ang hunkhie tuiphumna etsahna hi a, pumpi tahsa ciniehte silsiengna bang hi loin, Jesu Khris thawkiana tungtawnin sielepha theina lungsim hoi nei thei nadinga Pasien tunga thumna#3:21 Ahi sihle “Pasien tunga kiciemna “ hizaw hi. 22Tua Jesu Khris pen vantungah a pei zo ta a, Pasien’ zietlamah omin ama’ thuneina nei-ah vantung mite, uhna neite, vanglietna neite zosie a om uhi.
Currently Selected:
1 PETER 3: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
