Popular Bible Verses from 1 PETER 4

Share

Tua teng zosie banah note khatlekhat nahpi tahin na ki-it un; bangzieh ahei cile itna in mawna tampite a selcip hi.

Pasien’ hepina nam tuomtuom a zah siemte bangin note khat ciet in na nga uh ahi letsong popo tawh khatlekhat’ na na kiseppieh un.

Sil bangkim ah Jesu Khris tungtawnin Pasien’ min a than thei nadingin thu a gen tapo in Pasien’ kammal beh ma a genpa bangin gen taheh; na sem tapo in zong Pasien’ pieh thahatna tawh sem taheh. Tua hile Jesu Khris tungtawnin sil bangkim ah Pasien’ min a thang ding hi. Ama tungah minthanna le uhzawhna om den tawntung taheh. Amen.

Ahi vangin note khatpo in Tapidaw hina zieha gimna na thuoh uleh zong maizumna-in ngaisun sih unlen, tami min na puoh ziehun Pasien na phatzaw un.

Sil bangkim a tawp ding hun ang nai ta hi; tua ahi ziehin thu na nget thei nadingun no le no ki-uh zo le pilvang tahin na om un.

Ka itte aw, na tung vuah ang sittel ding gimna meikuong ang tun ciengin sil lamdangpi khat ang tung dan bangin ngaisunin lamdangsa sih un. Ama’ minthanna ang kilah ciengin note zong lungdam kipahin na kiko thei nadingun, tu tanpha-in Khris’ thuohnate na thuohpina vuah na lungdamzaw un.

Phun vawt loin khatlekhat zin na kido un.

Tua ahi ziehin Pasien’ deina tawh kituohin gimna a thuohte in a sil pha bawl uh zom suohin, ciem pel lo a Siempa tungah amau le amau ki-ap uheh.

Tua ahi ziehin Khris in cilesa sungah gimna a thuoh lang kalsie, no mama in zong tua bang ngaisutna ma tawh na kigalging un. (Azieh pen cilesa sunga gimna a thuoh poma mawna a tawpsan ahi ta hi). Tuaci’n a omlai na leisiet hinkhuote uh mihingte’ deina bangin hing nawn loin, Pasien’ deina banga a hing ding na hizaw ta uhi.

Khris’ min vangin note ang kihosiet leh a hampha na hi uhi, bangzieh ahei cile na tung vuah Pasien’ Hlagau ahi minthanna hlagau a om hi.