1 PETER 2
2
A Hing Suong le Teeltuom Mi
1Tua ahi ziehin gitlona zosie, mi solna zosie, thangsietna le kigensietna zosie paimang un. 2Hutdamna ah na khangliet thei nadingun nausen suohcilte bangin hlagau lam nawizu siengtho na lunggul un. 3Note in Topa a hoi lam na ciem zo tahtah ta uhi.#Late 34:8
4Mite in a nuolsa ahi vangin Pasien muna-ah manpha hi, ci-a a teel tua a hing suongpi ahi ama kungah hing pei unlen, 5note zong Jesu Khris tungtawnin Pasien’ san thei dingin hlagau tawh kisai biehpiehna a bawl ding le a siengtho siempu nam ahi dingin noma le noma hlagau innpi kilamna-a kizang a hing suongte bang na hi uhi. 6Azieh pen Lai Siengtho sungah,
“En un, a kiteel a manpha
innkiu suong khat, Zion ah ka koi hi,
ama a um mi poma
kimaizumsah lo ding hi,” kici hi.#Isa 28:16
7Tua ciengin no a um mite adingin ama manpha a, ahi vangin a um lo mite adingin ahile,
“Inn lamte’ nilkhiet suong,
innkiu suong bulpi a suoh zo hi,”#Late 118:22
8a cina le,
“Amate a kipalsah suong le
a puasah suong khat a suoh hi,” a ci hi.
Azieh pen amate in thu a man lo ziehun a kipalpua uhi, bangzieh ahei cile tua bang ding ma-a laitansa ahi uhi.#Isa 8:14-15
9Ahi vangin note na hi uleh khuomiel panin a lamdang ama’ khuovah sungah ang hlan pa’ nasepna lamdangte a phuongzah dinga ang kiteeltuom minam, kumpi siempu nam, a siengtho minam, le Pasien’ mite#2:9 Gk “ama’ nei mite “ na hi uhi.#Pei 19:5-6; Isa 43:20-21; Thkna 4:20; 7:6; 14:2; Titu 2:14; Isa 9:2
10Hun khat lai-in
minam hi sih nan locin, tu-in Pasien’ mi na hi ta uhi;
hun khat lai-in khuotuona nga sih nan locin,
tu-in khuotuona na nga zo ta uhi.#Hos 2:23
Pasien’ Nasemte Bangin Nungta un.
11Ka itte aw, na hlagau uh ang do den cilesa’ deinate panin na kideh zo nadingun pemtate le galtaite bangin note tungah kang thum hi. 12Gentile-te in sietna bawlte ci-in ang minsietsah vangun, thukhen dinga Pasien ang pei ciengin#2:12 Gk “Pasien in ei ve ni ciengin “ amate in note’ gamtat hoite mu-in Pasien’ min a phat thei nadingun amate lahah zatah huoi-in na gamta un.
13 Topa vang tawh mihingte in a koi aana nei zosie’ thu na mang un. Thunei pen ahi kumpipa’ thu ahi a, 14a khielte gawtin a dihtatte a phat dinga ama in a sawl uhpite thu ahi zongin na mang un. 15Bangzieh ahei cile note in sil hoi na sepna uh ziehin bangma thei lo mimawte na sipsah ding uh pen Pasien’ deina ahi hi. 16A suohta mite bangin nungta un, hizongle gitlo sel nading po-in na suotahna uh na zang sih unlen, Pasien’ nasemte#2:16 Gk “silate “ bangin na nungta zaw un. 17Mi zosie na zatah un. Thu um#2:17 Gk “Unaute na it un “ innkuonte na it un. Pasien zong giingin kumpi pa zong na zatah un.
Ette ding Khris’ Thuohna
18Silate aw, zatahna kici zosie tawh na pute uh’ thu na mang un. A thusiem le a nunnemte’ thu beh hi loin, a gilo na pute uh’ thu zong na mang un. 19Azieh pen note in Pasien theina tawh a dih lopi-in gentheina na thuoh laitahun na thuoh zawh uleh patahna a nga na hi uhi. 20Na tatkhielna ziehun ang kisat ciengin na thuoh zawh uleh bang patahna om ding ahei? Hizongle note in sil hoi semin gimna na thuoh ciengun na thuoh zawh uleh Pasien’ thukimna a nga na hi uhi. 21Tam ding ma-a note ang kihlan ahi hi. Azieh pen Khris in note adingin na thuoh zo a, tuaci’n ama’ ketot teng na zui thei dingun ette ding lim ang nuasie hi.
22“Ama in mawna bawl lo a,
a kam sungah zuouthu kimu lo hi,”#Isa 53:9
23Ama a kihosiet ciengin hosietna ma tawh thuhkia lo a, gimna a thuoh ciengin zong koima galgih tuon lo hi; hinanle dih taha thukhen pa tungah ama le ama a ki-apzaw hi.#Isa 53:7 24Mawnate panin eite suohta-in dihna adinga i nuntah thei nadingin amama in ama’ pumpi tawh singlamte tungah eite’ mawna a puo hi. #2:24 Ahi sihle ” ama’ pumpi-in i mawnate sing tungah a puo hi “Ama’ liemnate#2:24 Gk “liemma “ ziehin note na dam zo ta uhi.#Isa 53:5 25Azieh pen note tuu bangin lam na piel vua hinanle tu-in na hlagaute uh ang kem le ang cing pa kungah nang kilekia uhi.#Isa 53:6
Currently Selected:
1 PETER 2: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
