Popular Bible Verses from 1 PETER 2

Share

Ahi vangin note na hi uleh khuomiel panin a lamdang ama’ khuovah sungah ang hlan pa’ nasepna lamdangte a phuongzah dinga ang kiteeltuom minam, kumpi siempu nam, a siengtho minam, le Pasien’ mite na hi uhi.

Mawnate panin eite suohta-in dihna adinga i nuntah thei nadingin amama in ama’ pumpi tawh singlamte tungah eite’ mawna a puo hi. Ama’ liemnate ziehin note na dam zo ta uhi. Azieh pen note tuu bangin lam na piel vua hinanle tu-in na hlagaute uh ang kem le ang cing pa kungah nang kilekia uhi.

Hun khat lai-in minam hi sih nan locin, tu-in Pasien’ mi na hi ta uhi; hun khat lai-in khuotuona nga sih nan locin, tu-in khuotuona na nga zo ta uhi.

Hutdamna ah na khangliet thei nadingun nausen suohcilte bangin hlagau lam nawizu siengtho na lunggul un.

Ka itte aw, na hlagau uh ang do den cilesa’ deinate panin na kideh zo nadingun pemtate le galtaite bangin note tungah kang thum hi. Gentile-te in sietna bawlte ci-in ang minsietsah vangun, thukhen dinga Pasien ang pei ciengin amate in note’ gamtat hoite mu-in Pasien’ min a phat thei nadingun amate lahah zatah huoi-in na gamta un.

note zong Jesu Khris tungtawnin Pasien’ san thei dingin hlagau tawh kisai biehpiehna a bawl ding le a siengtho siempu nam ahi dingin noma le noma hlagau innpi kilamna-a kizang a hing suongte bang na hi uhi.

Tua ahi ziehin gitlona zosie, mi solna zosie, thangsietna le kigensietna zosie paimang un.

Mite in a nuolsa ahi vangin Pasien muna-ah manpha hi, ci-a a teel tua a hing suongpi ahi ama kungah hing pei unlen

A suohta mite bangin nungta un, hizongle gitlo sel nading po-in na suotahna uh na zang sih unlen, Pasien’ nasemte bangin na nungta zaw un.

Bangzieh ahei cile note in sil hoi na sepna uh ziehin bangma thei lo mimawte na sipsah ding uh pen Pasien’ deina ahi hi.