Psalm 91
91
1Wäa unjrem Schorm (em Schutz) vom Hechsten sett, woat bliewen em Schauten vom Aulmajchtjen.
2Ekj saj toom Harn: Miene Tooflucht un miene Burjch; mien Gott, opp am well ekj vetruen.
3Dan hee woat die raden von de Schlenj dee Voageljäajasch, von de vedoawliche Past.
4Met siene Flichten woat hee die bedakjen, un du woascht Tooflucht finjen unja siene Flichten; Schild un Schutz es siene Woarheit.
5Du woascht die nich enjsten fa däm Schrakj enne Nacht, ver däm Feila, de aum Dach flicht, 6fa de Past, dee em Diestren waundelt, ver de Ploag, dee opp Meddach vedoaft.
71000 woaren faulen aun diene Sied, un 10 000 aun diene Rajchte - die woat daut nich errieekjen.
8Blooss met diene Uagen woascht du kjikjen, un woascht seenen de Vejeltunk de Gottloose.
9Wiels du Har, miene Tooflucht, däm Hechsten, too diene Wonunk jesat hast, 10soo woat die kjeen Onjlekj trafen (bejäajnen), un kjeene Ploag dienem Zelt nodakomen; 11dan hee woat siene Enjel äwa die befälen, die too bewoaren opp aul diene Wäaj.
12Oppe Henj woaren see die droagen, doamet du dienen Foot nich aun eenen Steen statst.
13Opp Leiw un Otta woascht du klunjen, junge Leiw un Droak (Drachen) woascht du dolklunjen.
14Wiels hee aun mie henjt, well ekj am raden; ekj well am en Sechaheit saten, wiels hee mienen Nomen kjant.
15Hee woat mie aunroopen, un ekj woa am auntwuaden, ekj woa bie am sennen enne Bedrenkjnis; ekj woa am rutrieten un am too Iea brinjen.
16Ekj woa am saut moaken met een langem Läwen un am mien Heil seenen loten.
Currently Selected:
Psalm 91: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
