Psalm 92
92
1Een Psalm, een Leet. Fa däm Sabatdach.
2Daut es goot, däm Harn too danken, un Psalmen too sinjen dienem Nomen, oo Hechsta!
3Zemorjes too vekjindjen diene Jnod, un de Nacht diene Tru, 4oppe 10-seidje un oppe Hoap, toom Seidespäl met de Zitta!
5Dan du hast mie froo jemoakt, Har, derch dien Doonen; äwa de Woakjen diene Henj well ekj jublen.
6Woo groot sent diene Woakjen, Har! Sea deep sent diene Jedanken.
7Een onveninftja Mensch erkjant daut nich, un een Noa vesteit soowaut nich.
8Wan de Gottloose utloten aus Grauss, un aula, dee Iebel doonen, blieejen, soo passieet daut, doamet see vetilcht woaren fa emma.
9Oba du best de Hechsta (huach bowen) opp eewich, Har!
10Dan kjikj, diene Fiend, Har, dan kjikj, diene Fiend woaren omkomen; daut woaren vestreit woaren aule, dee Iebel doonen.
11Oba du woascht mien Huarn opphäwen aus von eenem Beffel; met freschem Eelj woa ekj äwajegote woaren.
12Un mien Uag woat siene Lost seenen aun miene Fiend, miene Uaren woaren äare Lost hieren aun de Iebeldoonende, dee jäajen mie oppstonen.
13De Jerajchta woat utloten aus de Palmboom; aus eene Zeeda opp däm Libanon woat hee waussen.
14Dee jeplaunt sent en däm Hus Gottes woaren blieejen enne Väahäw von onsem Gott.
15Noch em Jreisenella sent see Fruchtboa, sent sauftvoll un jreen, 16om to vekjindjen, daut de Har jerajcht es. Hee es mien Fels, un kjeen Orrajcht es en am.
Currently Selected:
Psalm 92: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
