Popular Bible Verses from Psalm 91

Share

Ekj saj toom Harn: Miene Tooflucht un miene Burjch; mien Gott, opp am well ekj vetruen.

Wäa unjrem Schorm (em Schutz) vom Hechsten sett, woat bliewen em Schauten vom Aulmajchtjen.

Hee woat mie aunroopen, un ekj woa am auntwuaden, ekj woa bie am sennen enne Bedrenkjnis; ekj woa am rutrieten un am too Iea brinjen.

dan hee woat siene Enjel äwa die befälen, die too bewoaren opp aul diene Wäaj.

Met siene Flichten woat hee die bedakjen, un du woascht Tooflucht finjen unja siene Flichten; Schild un Schutz es siene Woarheit.

Wiels du Har, miene Tooflucht, däm Hechsten, too diene Wonunk jesat hast, soo woat die kjeen Onjlekj trafen (bejäajnen), un kjeene Ploag dienem Zelt nodakomen

Dan hee woat die raden von de Schlenj dee Voageljäajasch, von de vedoawliche Past.

1000 woaren faulen aun diene Sied, un 10 000 aun diene Rajchte - die woat daut nich errieekjen.

Du woascht die nich enjsten fa däm Schrakj enne Nacht, ver däm Feila, de aum Dach flicht, fa de Past, dee em Diestren waundelt, ver de Ploag, dee opp Meddach vedoaft.