Liera 11
11
Weis Haundlen enne Jäajenwuat bie onsechre Tookunft
1Schekj dien Broot oppe Wotaspieejel, dan no väl Doag woascht du daut finjen. 2Jeff eenen Deel aun säwen, jo, soogoa aun acht; dan du weetst nich, waut fa Onjlekj oppe Ieed passieren woat.
3Wan de Wolkjen voll Räajen sent, soo schedden see sikj opp de Ieed ut; un wan een Boom nom Sieden ooda nom Nuaden felt: Aun däm Uat, woa de Boom felt, doa blift hee ligjen.
4Wäa opp däm Wint Acht jeft, woat nich seien, un wäa de Wolkjen sitt, woat nich arnten.
5Soo aus du nich weetst, woa de Wajch vom Wint es, woo de Jläda em Muttalief reed jemoakt woaren, krakjt soo weetst du daut Woakj Gottes nich, dee aules wirkjt.
6Zemorjes sei dien Sot, un Oppenowent trakj diene Haunt nich trigj; dan du weetst nich, woont waussen woat: Auf dit ooda jant, ooda auf beid tojlikj goot woaren woat.
7Un seet es daut Licht, un goot doonent däm Uag, de Sonn to seenen. 8Dan wan de Mensch uk väl Joaren läft, mucht hee sikj en an aule freien, un de Doag de Diestanis jedenkjen, daut väl von an sennen woaren: Aules, waut kjemt, es Eitelkjeit.
9Frei die, Jinjlinkj, en diene Jugent, un dien Hoat moakt die froo enne Doag diene Jugenttiet, un waundel opp de Wäaj von dienem Hoat un em Aunseenen diene Uagen; doch weet, daut fa dit aules Gott die em Jerecht brinjen woat. 10Un doo dän Onmoot (Truarichkjeit) ut dienem Hoat, un doo daut Iebel von dienem Lief wajch; dan de Jugent un daut Maunsella sent Eitelkjeit.
Currently Selected:
Liera 11: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
