Popular Bible Verses from Liera 11

Share

Frei die, Jinjlinkj, en diene Jugent, un dien Hoat moakt die froo enne Doag diene Jugenttiet, un waundel opp de Wäaj von dienem Hoat un em Aunseenen diene Uagen; doch weet, daut fa dit aules Gott die em Jerecht brinjen woat.

Un doo dän Onmoot (Truarichkjeit) ut dienem Hoat, un doo daut Iebel von dienem Lief wajch; dan de Jugent un daut Maunsella sent Eitelkjeit.

Wäa opp däm Wint Acht jeft, woat nich seien, un wäa de Wolkjen sitt, woat nich arnten.

Soo aus du nich weetst, woa de Wajch vom Wint es, woo de Jläda em Muttalief reed jemoakt woaren, krakjt soo weetst du daut Woakj Gottes nich, dee aules wirkjt.

Zemorjes sei dien Sot, un Oppenowent trakj diene Haunt nich trigj; dan du weetst nich, woont waussen woat: Auf dit ooda jant, ooda auf beid tojlikj goot woaren woat.

Jeff eenen Deel aun säwen, jo, soogoa aun acht; dan du weetst nich, waut fa Onjlekj oppe Ieed passieren woat.