Liera 10
10
1Doodje Flieejen moaken daut Eelj de Saulwmischa stinkjent un jäarend: Een bät Noaheit haft mea Jewicht aus Weisheit un Iea.
2Däm Weisen sien Hoat es no sienem Rajcht, un däm Noa sien Hoat no siene Linkje jerecht. 3Un wan uk de Noa opp däm Wajch waundat, fält am de Vestaunt, un hee sajcht aulem, daut hee een Noa es.
4Wan de Oaja vom Harscha jäajen die oppkjemt, soo velot diene Städ nich; dan ruich to sennen vehindat groote Sinden.
5Daut jeft een Iebel, daut ekj unjre Sonn jeseenen ha, aus een Errtum, daut von däm Machthaba utjeit: 6De Noaheit woat en groote Iea enjesat, un Rikje setten unjen (läajch). 7Ekj ha Kjnajchts opp Pieed jeseenen, un Ferschten, dee aus Kjnajchts too Fot jinjen.
8Wäa eene Kul groft, kaun nenn faulen; un wäa eene Mia ennrit däm kaun eene Schlang bieten. 9Wäa Steena brakjt, kaun sikj doaraun velazen; wäa Holt spoolt, kaun sikj doaderch en Jefoa brinjen.
10Wan daut Iesa stomp jeworden es, un hee haft de Schnied nich jeschläpe, soo mott hee siene Krauft mea aunstrenje; oba de Weisheit es väadeelhauft, om waut em Staund too saten.
11Wan de Schlang bit, ea de Beschwäarung doa es, soo haft de Beschwäara kjeen Nutzen.
12De Wieed ut däm Mul vom Weisen sent Leeftol, oba de Leppen de Noaren veschlinjen am. 13De Aunfank de Wieed ut sienem Mul es Noaheit, un daut Enj siene Räd es schlemme Noaheit. 14De Noa moakt väl Wieed: Doch weet de Mensch nich, waut sennen woat; un waut no am sennen woat, wäa woat am daut toweeten loten? 15De Mieej de Noaren moakt am meed, am, wiels hee nich weet woo maun no de Staut jeit.
16Wee die, Launt, däm sien Kjennich een Jinjlinkj (Bochat) es, un däm siene Ferschten Zemorjes väl äten! 17Jlekjlich, du Launt, däm sien Kjennich een Sän von Adelje es, un däm siene Ferschten too rajchte Tiet äten, aus Mana un sikj nich bedrinkjen!
18Derch Fulheit sinkjen de Baulkjes, un derch schlaupe Henj drepplt daut em Hus.
19Om sikj lostich too moaken, helt maun Moltieden, un Wien freit daut Läwen, un daut Jelt brinjt (erlaubt) aules.
20Uk en diene Jedanken fluch nich däm Kjennich, un en diene Schlopstow fluch nich äwa däm Rikjen; dan de Väajel vom Himmel kjennen de Stemm wajchdroagen, un dee Flieejende daut Wuat malde.
Currently Selected:
Liera 10: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
