Agba 19
19
1Ɔdia si adi ɔwabane na aadi litemi geen lɛlɔ
utulo si adi ɔdɔlɔdi na aanyi ɔkɔ.
2Si anumi égyie-ɔ kabla lɛlɔ na eeebo lɛlati ni, ɔɔɔdia.
Na si eesié pla pla taagya ni, adubɔkana na ayii ulu.
3Bekyuli beebile bana ngba na bana kɔdɔlɔ ɔsu,
na beeti kɔnyi taakya Unwoti.
4Lɛlakɛ liiboku bakpana pii,
nsu kɔwaba kɔɔgyá-ma.
5Ukyuli ɔni mɔɔnyi ɔkɔ teedie etemila kenye ni,
ulékeli kɔtu bɔni.
Na ɔkɔ ɔnyine ɔdi ulakana na wekeli.
6Bekyuli pii beevele ɔga ubi ka ɔbla-ma lɛƒɔndia lɛdi.
Lɛni kani na ukyuli biala uudie ukyuli
ɔni muute bekyuli ala kɔkpana.
7Si ɔwabane lɛlɔ bekyuli beení-nwu ni,
bi ɔsu na nwuna bakpana beléni-nwu?
Ɔwabane ɔmmɔ ɔdubo bɔkpali-ma,
nsu bana ƒui badubukeli-nwu.
8Si ákɛ lɛnunda ni, ɔɔtina ka aayɔ́ lɛlɔ.
Na bekyuli bani muunye kpakplaa ka bakɛ lɛlati
na beteenu ala kalɔ ni,
enu ku akɔkɔ adubuyi-ma.
9Ukyuli ɔni mɔɔnyi ɔkɔ teedie etemila kenye ni,
ulékeli kɔtu bɔni.
Na ɔkɔ ɔnyine ni, badubo-nwu bɔyila ku udu.
10Utalɛ ka ɔdɔlɔdi ulie kesii kani muukeye na utaadi ngba
iye kabla ɔblane ɔdi utaadi baga bebi lɛlɔ.
11Bekyuli bani mbo kasusu buni baabala bana kɔnyi.
Na bekyuli badubo-ma bɔbu na baƒɔ lɛnyi
si bédie bekyuli ekpidi atu.
12Si ɔga úti kɔnyi ni, use aani kalɛ na gyata uubó lɛdi.
Nsu nwuna lɛƒɔndia lise aani amii na livo lɛlɔ.
13Ubi ɔdɔlɔdi ɔdi ɔgbankpi ute ɔti.
Na uleku ɔni mɔɔkya unyeƒi use aani ɔtɔ ɔni muudú.
14Lɛlakɛ ku kaduli kani na bawɔne badubɔkana
na bese bana bebi kama.
Nsu uleku ɔbuni ɔni muunú ala kalɔ bɔkɛ buti ni,
Unwoti kudɔ na ɔɔsí.
15Ɔkɔsɔne mɔɔtɛ teesie ɔgyu,
na anwu lɛnɔ kɔka kɔɔda.
16Si ádi Unwoti ɔda bubo lɛlɔ ni, adubɔkɛ ngba.
Nsu si éni-mu ni, adubo bukpi.
17Si ébunku bawabane ni, Unwoti na eevó ala teete,
na ɔdubɔƒɔ kayu kammɔ ɔsɔku ute-ɔ.
18Tumini ƒula bebi kpakplaa na uwi ɔni amu ebo-ma lɛlɔ ɔyikun.
Si ɔɔɔdi lɛni ni, adubo-ma ngba bubile.
19Bekyuli bani muuti kɔnyi
pla pla ni,
badubɔƒɔ ama alati lɛtuni kayu.
Si áƒɔ-ma kunwi ni, agyi anii asɔ adubo-ma bɔƒɔ kunyɔdi.
20Bɔlɛ ku ala ani ƒui na badubɔtina-a ni,
ƒɔ-mu kalɛ na adubɔkana,
na adubɔda anu ƒula ngba emeyi akladi ƒui.
21Adubɔkana na eti kasusu
kɔkwɛ pii,
nsu Unwoti lɛƒɔyɔ kani ndubo bunye.
22Ukyuli lɛlɔ lɛɛda kubiti si aadi ƒula linyese lɛlɔ.
Si adi ɔwabane ni, ɔdia utulo ka ataatuala
na ataasu inye inyɔ inyɔ.
23Si aayia Unwoti ni,
ɔɔyá na eelie ngba
na ɔɔgyumana-a kalɛ na ɔgbankpi ulálɛku-ɔ.
24Kɔkɔsɔ kɔɔdi ɔkɔsɔne lɛlɔ
geen ɔni na
kalɛ na ɔmini adila ɔkya
kenye muedi
ɔɔda-nwu kɔkɔsɔ.
25Ukyuli ɔni muudumi bekyuli taakya-ma lɛlɔ lɛma,
si áni-nwu kɔtu ni, bekyuli bani na bana kasusu kásɔ
badubɔtɛya lɛla lɛdi. Na si ádɔnku ɔnundane ni,
ɔdubo anu bɔda bubu.
26Bebi bani mɔɔbla bana bati ulikplu
iye benwini benye bana beni lɛlɔ ni,
kɔƒa kɔdi-ma kadi anumi na bénwini lɛla lɛni
mɔɔdu bekyuli lili.
27Ubi, si éni anii ukyuli utatina-a lɛla ni,
énwini kama ákya lɛlati.
28Ukyuli ɔni mɔɔnyi ɔkɔ teedie litemi kenye ni,
uudumi na ɔɔmá litemi bɔtɛ ulu ɔni ntɛ nse.
Na balalane baaƒɔ́ likpidi teebweli aani adila.
29Bekyuli bani muudumi bekyuli taama ni,
Unwoti ɔdubo-ma kɔtu bɔni.
Na badɔlɔdi kama kadubo kugyiimi butaaƒɔ.
Currently Selected:
Agba 19: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
