Agba 20
20
1Ntɛ muuboku budumi taama.
Na muna bɔda lɛnɔ muuboku kekpo.
Anwuɔsu si ukyuli ɔ́ya na ntɛ bɔ́di-nwu lɛlɔ ni,
ɔɔɔdubo anu bɔda.
2Ɔga kɔnyi kuse aani gyata bɔkwanyi.
Si ákya-nwu kɔnyi ni,
ƒula ngba na ákya ɔgbankpi kemmo.
3Ukyuli ɔni mɔɔda kekpo ni,
ɔbu likpose lɛdi nsia-nwu lɛlɔ.
Badɔlɔdi kani mɔɔkya ka ogya.
4Si kɔkɔsɔ kɔ́da-a kɔ́gya na átakana na aƒɔ ɔƒɔwi ni,
aaadubo edula adi bɔkɛ na edula ɔƒɛwi.
5Etemila buni ani beeti taalɛ ukyuli ni,
kayi ɔkwalɛ kemmo na ábɛ akya,
nsu banundane baaní-nya taalɛku mmɔ.
6Bakpana pii baasu ka badi bakpana buni
bani naaalɛ bana bakpana kama,
nsu ɛlɛɛ na badubɔnu na bana akɔ ka
baadi bana litemi lɛlɔ sɔsɔ.
7Bekyuli babuni beedie lɛgba lɛni mɔɔtina ka
baadi bana litemi lɛlɔ geen.
Na bana bebi bani nsia-ma kama ni,
bekyuli badubute-ma kusɛ kusɛ.
8Si ɔga ɔdi ɔ́tɛ litemi na uukulo-ni ni,
ɔɔkali kenye kani ƒui na bekyuli bédie
na litemi lɛmmɔ lɛlɔ taanu,
na ɔƒuna ala ƒui kemmo ɔnu asa na ukulo litemi lɛmmɔ.
9Ɔma ndubɔkana bɔsu ɔnini, “Ɔƒɛni amu lɛ́bla mina kayi sɛɛn,
na nse kedee ɔsu likpidi lɛdi lɛsɔ lɛɛɛma-mi lɛlɔ?”
10Unwoti ukisi beyedine bani mɔɔkɔ́ku ala ulu biala lɛlɔ
taanya bekyuli taakya.
11Lɛnamu uwi ƒui na baanu bebi taati
si udu ɔbuni iye ukpidi ndubo-ma bɔkya
na bana udu ɔni na béti baakɔ́ kenye.
12Atu ani na beenú ku anumi ani na baanu ni,
etela na adi na ási Unwoti kudɔ.
13Ukyuli ɔni na aayɔ́ lɛlɛɛ ni, kɔwaba ndubo-ɔ bɔda.
Nu nwaa na abla lɛla lɛdi na adubɔkɛ adila pii na adi emo.
14Ukyuli ɔni mɔɔwia lɛla lɛdi uye ni,
ɔɔní kuye kɔmmɔ kpakplaa,
na ɔɔsu ɔnini, “Lɛla lɛmmɔ kuye kútedu mmɔ.”
Na anwu mɔɔtina kalɛ na basɔku kuye badi.
Na uunwini taakun lɛmɛnɛ ɔɔtina lɛlɔ.
15Lɛnunda etemila aaabɔ na áƒɔ kuye lɛnɔ
etulo sika ugyiedi ku asɛɛ ani náƒɔ kuye geen.
16Nu ka áƒɔ lɛla lɛdi ényene kama ásiku ukyuli
ɔni muunye ɔƒɔ kama na nwuna kayu ɔsu.
Ya na baka kayu kadi bɔƒɔ bute-ɔ
na ɔƒɔ ɔni kayu kenye na ɔdi uunye lɛlɔ.
17Bodobodo uyudi ɔɔyu emini geen si étu-nwu kenye,
nsu uunwíni atabi si uwi ɔni na adaku bɔnwanta.
18Ukyuli kɔkwɛ kɔni na ɔɔkya kabla kadi lɛlɔ
kaatɛ si úye kasusu.
Tata kekpo si bátaka-a kasusu bute.
19Kɔtɛ keeke ɔtɛmine uugyingya kɔbɛtɛ.
Anwuɔsu tadiku ukyuli ɔmmɔ udu kɔkpana.
20Ukyuli ɔni muuwida ɔti iye
uni ni,
nwuna ngba ogya uuni.
21Si ɔnamu úyile nwuna kadikɔ kani na ɔti úse-nwu bɔƒɔ ni,
kusɛ kusɛ ulásiaku-nwu taatáwɔlɔ.
22Tasu ukyuli ɔdi anini, “Ndubɔƒɔ-ɔ likpidi lɛni na ábla-mi kayu.”
Ya na Unwoti ɔtɛ-ni ute-ɔ.
23Ukyuli ɔni na ulakɔku lɛla liyedi ulu lɛlɔ ni,
Unwoti ulayɔ-nwu litemi.
Na lɛkɔkula lɛni beeti taanya ukyuli taakya ni,
liiĒ Unwoti livo.
24Unwoti mɔɔtɔnku bekyuli na bana ngba ulu busie kemmo.
Na ukyuli ulakana nwuna ngba ulu ɔni na uusié kalɔ bunu bɔwɔlɔ.
25Si átaka lɛla lɛdi lɛlɔ bɔbu
bɔnu ni,
tababla tese Unwoti
kenye kadi.
Ɔsika si átakana-ni bɔbla ni,
ɔgbankpi ɔkya-nwu kemmo.
26Si ɔga ɔnundane ɔdi kɔnu kútuku belikplune ni,
uuti-ma teewi kukɔ lɛlɔ aani antabi
na uuti lɛklɔyi taakɔ-ma kpɛtɛ kpɛtɛ.
27Bukeye bɔni na Unwoti uuti
taanu ukyuli kalɛ na
use ni,
uukeye teeduo-nwu kɔyu kemmo
na uudie abɛla ƒui na kagyudikɔ keyi.
28Kalɛ na ɔga ɔɔyɔ́ bekyuli
uwi ndi uwi
na ɔɔdi nwuna etemila
lɛlɔ lɛnɔ
ɔɔgyumana-nwu na ɔɔyá
na nwuna lɛga kadikɔ
keenye kpakplaa na bɔyɔ bɔmmɔ ɔsu.
29Bakloƒu ɔyikun ndi bana bukeye.
Na benengu liliƒuala mɔɔtina bana lɛnunda bukeye
na ala ani bánu dii ɔsu.
30Ɔlɔna kɔtu bɔni buudie likpidi na ukyuli lɛlɔ.
Na kɔtu bɔni bɔmmɔ bɔɔyá na ukyuli kayi kaabla sɛɛn.
Currently Selected:
Agba 20: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
