Popular Bible Verses from Agba 19

Share

Adubɔkana na eti kasusu kɔkwɛ pii, nsu Unwoti lɛƒɔyɔ kani ndubo bunye.

Si ébunku bawabane ni, Unwoti na eevó ala teete, na ɔdubɔƒɔ kayu kammɔ ɔsɔku ute-ɔ.

Bekyuli bani mbo kasusu buni baabala bana kɔnyi. Na bekyuli badubo-ma bɔbu na baƒɔ lɛnyi si bédie bekyuli ekpidi atu.

Bɔlɛ ku ala ani ƒui na badubɔtina-a ni, ƒɔ-mu kalɛ na adubɔkana, na adubɔda anu ƒula ngba emeyi akladi ƒui.

Si aayia Unwoti ni, ɔɔyá na eelie ngba na ɔɔgyumana-a kalɛ na ɔgbankpi ulálɛku-ɔ.

Si ákɛ lɛnunda ni, ɔɔtina ka aayɔ́ lɛlɔ. Na bekyuli bani muunye kpakplaa ka bakɛ lɛlati na beteenu ala kalɔ ni, enu ku akɔkɔ adubuyi-ma.

Tumini ƒula bebi kpakplaa na uwi ɔni amu ebo-ma lɛlɔ ɔyikun. Si ɔɔɔdi lɛni ni, adubo-ma ngba bubile.

Ukyuli ɔni mɔɔnyi ɔkɔ teedie etemila kenye ni, ulékeli kɔtu bɔni. Na ɔkɔ ɔnyine ni, badubo-nwu bɔyila ku udu.