Agba 16
16
1Bɔɔkana bɔɔsála kasusu lidu lidu,
nsu Unwoti mɔɔtina lɛla lɛni geen
ndi litemi geen lɛmmɔ.
2Bekyuli baanu ka bana ablala akɛ ulu ɔbuni lɛlɔ.
Nsu Unwoti mɔɔkɔ́ku lɛla biala taanu kalɛ na lɛdia.
3Ti ƒula kabla biala kya Unwoti kɔnu
na kadubɔtɛ-ɔ.
4Unwoti nábla lɛla biala ɔkɛnku nwuna kasusu
kani kenye na ɔɔwia lɛla lɛmmɔ.
Na bekyuli bekpidi muedi benye bete
ka bani-ma kɔtu.
5Unwoti ukisi ka ukyuli ɔtalaku lɛlɔ katɔ.
Anwuɔsu ɔbla ukyuli biala nwaa
ka bani mɔɔtalaku lɛlɔ katɔ ni,
Unwoti ɔdubɔni-ma kɔtu.
6Bɔyɔ bɔni neeebo kawɔkɔ ku litemi lɛlɔ bɔdi
uwi ndi uwi uuti ala teebi likpidi.
Na si aayia Unwoti ni, eekeli likpidi.
7Si bekyuli ablala aayɔ́ Unwoti kaƒɔ ni,
ɔɔyá na ama ku bana bekisine muedi beelie
na atu bɔyɔ kemmo.
8Si adi ɔwabane na aabu
Unwoti ni,
ɔdia utulo si ebo lɛlakɛ
na aládi litemi geen
lɛmmɔ lɛlɔ.
9Bɔɔkana na bɔɔbla kasusu ku kɔkwɛ na lɛla lɛdi lɛlɔ,
nsu Unwoti mɔɔtina bula kasiakɔ.
10Ɔga ɔɔtɛmi lɛnunda etemila ku Unwoti ɔyikun,
na utalɛka ɔnu anumi ɔtɛ litemi.
11Unwoti ɔɔwia ka bɔbla lɛla biala siin
na liyedi kemmo,
na ɔ́tina ulu ɔni lɛlɔ na ɔlɛka bɔsia lɛnɔ úse.
12Ɔga ɔdi ulayɔ likyulikpi ala bɔbla,
ɔsika litemi geen lɛlɔ bɔdi lɛlɔ na ɔɔsia taadi bekyuli lɛlɔ.
13Bekyuli bani enyekuli mɔɔtɛmi ala
ani nse siin mɔɔyɔ́ ɔga kaƒɔ.
Na ɔɔyɔ́ bani mɔɔsu litemi geen lɛni nkɛ ulu lɛlɔ mmɔ.
14Ɔga kɔnyi kenye kelenu bunye kuubile ala.
Na banundane baasia ulu biala lɛlɔ ka
bayala-nwu kaƒɔ.
15Si ɔga ɔɔmɔsi ni, agyi anii bibo ngba,
na nwuna lɛƒɔndia lise aani ɔnantu
ɔni mɔɔna na lɛla biala lɛɛsɔ taabla ɔwɔdi.
16Ɔdia geen si ukyuli ebo lɛnunda utulo ka akɛ sika ugyiedi.
Na si ebo lɛlati lɛni mɔɔyá na ukyuli uunú ala kalɔ ni,
ɔdia utulo sika ɔƒualadi.
17Ukyuli ɔni mɔɔsia nwuna ablala anu kaduɛ ni,
nwuna ulu ulásia likpidi kavinkɔ.
Na ukyuli biala nda nwuna ngba lɛni ni, ubo bɔƒɔ.
18Lɛlɔ katɔ bɔtalaku mɔɔgyú taatɔ
asa na ukyuli ɔɔyii udu.
Na kayi kekpidi buse taabla ala mɔɔyá na ukyuli uubuli.
19Ɔdia si awɔ ku bawabane bilie na bɛɛdi lɛla lɛni na bɛ́kɛ
utulo si awɔ ku belikplune bilie
na bɛɛdi ala ani na béƒie báƒɔ bekyuli kudɔ.
20Bekyuli bani muunú bɔlɛ ni, ala adubɔtɛku-ma.
Na bekyuli bani na bana anu asia Unwoti lɛlɔ ni,
lɛlɔ lɛdubɔyɔ-ma.
21Banundane ni, baanu-ma taati ɔkɛnku
kalɛ na beenú ala kalɔ kenye.
Si ásia ulu ɔbuni lɛlɔ átina ukyuli ala ni,
anwu mɔɔyá na ɔɔƒɔ́-ɔ litemi ku ebiti.
22Lɛla bɔti bɔbla ulu ɔbuni lɛlɔ ni,
ɔdi libiɔ ute bekyuli bani mɔɔbla lɛni
na baaní ntu bɔmmɔ teelie ngba.
Nsu si átina badɔlɔdi ulu
ɔmmɔ ni,
keeke na eebó abi, ɔsika balakpete-ɔ.
23Ɔnundane ni, lɛnunda etemila na ɔɔtɛmi.
Na nwuna etemila aatu ukyuli teenwini.
24Etemila ani mɔɔyu kayi ni, ese aani uwɔ.
Aayu kɔyu emini na ɔlɔna ɔɔkɛ́ ɔlɔkplu.
25Ukyuli biala ɔɔnu kasiakɔ kadi
na nwuna ngba kemmo ka nka kadia.
Nsu ulu ɔmmɔ kawɔlɔkɔ ni,
kekpine kani na ɔɔdá taalɛ.
26Útebie si adila adi ɔkwɛ ɔɔda kabla ɔblane.
Kaƒɔkplu kaayá na ukyuli ɔɔbla kabla
kpakplaa na ɔkɛ ɔdi.
27Balalane beenye taawia kuƒi kɔni na babla likyulikpi,
na bana etemila adi ogya bonwu
ɔni mɔɔkywí teebile ala.
28Ukyuli ɔni mɔɔwia ka bekyuli beteekpoku lɛlɔ ni,
lɛsɛ ogya na ɔɔkya bekyuli akɔ.
Na bekyuli anyikpi bɔlɔ ni,
uugyingya bakpana babuni muedi ntɛ.
29Likyulikpi ala bablane baatɔ́lɔ bana bakpana
na baasia ulu ukpidi lɛlɔ teetéduo ɔgbankpi kemmo.
30Bébile anumi, nsu baanu taavi ukyuli kalɔ.
Belébimi kenye taatɛmi,
nsu baabla bana likyulikpi kɔkwɛ.
31Liliƒuala lɛdi kagabwa kani muukeye.
Na Unwoti uuti-ka teete bekyuli bani muulie ngba buni.
32Kayi buɛɛ kadia ketulo kenyekɔ ɔyikun.
Si aakana ƒula lɛlɔ lɛlɔ bɔdi ni,
ɔdia utulo si ékpo ádi ɔma unengudi ɔdi lɛlɔ.
33Adubɔkana na ebo egulabi akɔliku katɔ,
nsu Unwoti mɔɔtina ɔƒɛnyi ɔni lɛlɔ na ɔdubo bɔyu.
Currently Selected:
Agba 16: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
