Popular Bible Verses from Agba 16

Share

Ti ƒula kabla biala kya Unwoti kɔnu na kadubɔtɛ-ɔ.

Bɔɔkana na bɔɔbla kasusu ku kɔkwɛ na lɛla lɛdi lɛlɔ, nsu Unwoti mɔɔtina bula kasiakɔ.

Etemila ani mɔɔyu kayi ni, ese aani uwɔ. Aayu kɔyu emini na ɔlɔna ɔɔkɛ́ ɔlɔkplu.

Bɔɔkana bɔɔsála kasusu lidu lidu, nsu Unwoti mɔɔtina lɛla lɛni geen ndi litemi geen lɛmmɔ.

Kayi buɛɛ kadia ketulo kenyekɔ ɔyikun. Si aakana ƒula lɛlɔ lɛlɔ bɔdi ni, ɔdia utulo si ékpo ádi ɔma unengudi ɔdi lɛlɔ.

Lɛlɔ katɔ bɔtalaku mɔɔgyú taatɔ asa na ukyuli ɔɔyii udu. Na kayi kekpidi buse taabla ala mɔɔyá na ukyuli uubuli.

Bekyuli baanu ka bana ablala akɛ ulu ɔbuni lɛlɔ. Nsu Unwoti mɔɔkɔ́ku lɛla biala taanu kalɛ na lɛdia.

Bekyuli bani muunú bɔlɛ ni, ala adubɔtɛku-ma. Na bekyuli bani na bana anu asia Unwoti lɛlɔ ni, lɛlɔ lɛdubɔyɔ-ma.

Si adi ɔwabane na aabu Unwoti ni, ɔdia utulo si ebo lɛlakɛ na aládi litemi geen lɛmmɔ lɛlɔ.

Ukyuli biala ɔɔnu kasiakɔ kadi na nwuna ngba kemmo ka nka kadia. Nsu ulu ɔmmɔ kawɔlɔkɔ ni, kekpine kani na ɔɔdá taalɛ.

Ukyuli ɔni mɔɔwia ka bekyuli beteekpoku lɛlɔ ni, lɛsɛ ogya na ɔɔkya bekyuli akɔ. Na bekyuli anyikpi bɔlɔ ni, uugyingya bakpana babuni muedi ntɛ.