Yesaia 59
59
1Bitakali bɛnii
Unwoti ɔyikun ɔ́sɔ
na ulakana kɔnu bunene bɔƒɔ-mii
iye atu éti-nwu na ulakana na wenu bina bɔkpali.
2Mmomu bina alaekpidi
náda-mii ntɛ
ɔsu na údie anumi bina lɛlɔ
na ɔsɔ ulenu-mii bɔkpali.
3Bina ɔkɔ bɔnyi ku bekyuli bɔdu
ku bekyuli lɛlɔ bɔta teenye
ɔ́ya na bɛ́dɔli ku ekpidi ammɔ na Unwoti anumi.
4Biiti lɛlɔ teesienku litemi katɛkɔ
nsu bilátɛ etemila ulu siin lɛlɔ.
Mmomu unyeƒi ukpludi ku kenye ogya
ku ɔkɔ ala sɔɔn na bɛɛsu.
Na biilie taabla kasusu kekpidi uwi biala
anwuɔsu lɛnɔ na bɛɛwɔ likpidi.
5Bina ablala eevuo balakpi bekpidi avala,
na ɔdi biala makun bina avala ammɔ ɔdubo bukpi.
Na kakwɛ biala na
bɛdubudie keyi
aani avala akladi ani nébu buvuo ni,
balakpi bekpidi bammɔ kani ndubo bɔlɛ pii.
6Anasi kɔgbu na biidí,
na ɔɔɔdi adi ani na bebi lɛlɔ.
Likyulikpi bɔbla ku kalala bɔ́ƒɔ-mii enu ƒui.
7Bɛkɛ usi uwi biala ka bitábla likpidi,
na bɛdu bekyuli bani na bátabla-mii lɛla lɛdi,
ku ekpidi bamba lidu lɛnɔ.
Likpidi kasusu kani na biilie taabla uwi biala
na ala bubile kani na baanu na bina kasiakɔ ƒui.
8Bina ablala aaadanku
keyi buɛɛ kadi,
anwuɔsu bekyuli bani nsiaku-mii kama ƒui
beeebo bɔnwuna bɔdi biala ku keyi buɛɛ kadi.
9Ka bénu ala amɛni ni,
básu banini,
“Ukyuli biala útebo ɔnii ubekpo ute-bu
iye ubatɛ bula etemila ute-bu na ulu siin lɛlɔ.
Nka bula anu asia bukeye
nwaa lɛlɔ,
nsu lɛdisa kemmo na bɔkɛ susuusu.
10Na enu kani na bɔkɛ buubó
aani banumbwɛne.
Na ɔƒiiwi nwaa muedi bɔkɛ buutulo
aani si usien na bɔkɛ iye kekpine na bɔkya.
11Buubó adi aani eƒiebuo
na buudumo aani babloduma teewulo kɔnyana.
Bɔɔwia ka batɛ-bu litemi siin na bɔdi lɛlɔ,
nsu ɔmɛni ƒui ɔ́vi-bu lɛgya.”
12O Unwoti Katɔti, bɔ́ɔƒiɔ-ɔ
kɔlɛ kɔlɛ,
na bɔ́ta búnye-ɔ lɛlɔ.
Na bula ekpidi aadú-bu kɔtɔ ka bɔ́bla likpidi!
13Bɔ́ta búnye-ɔ lɛlɔ na búni bɔnii bulasiaku-ɔ kama.
Ɔkɔ etemila sɔɔn néyi-bu kayi kemmo
anwuɔsu na ɔkɔ ɔmmɔ kani na bɔɔnyi
na bɔɔnya bula bakpana taakya.
14Ɔkɔ etemila bɔtɛ kani náƒɔ
kesii biala.
Na ala bɔbla siin bɔdi bɔsɔ buuubo,
na litemi geen ani lɛ́sa ƒui
aani kalɛ na baabɔku lɛla lɛdi teedie kesii kadi.
15Litemi lɛlɔ bɔdi siin bɔdi bɔsɔ buuubo
anwuɔsu ukyuli ɔni muuní likpidi bɔbla ni,
bekyuli beeti anumi taalɛ-nwu
ɔni na kawɔlɔkɔ bɔdu kani na baadú-nwu teedie.
Na ka Unwoti ɔ́nu litemi tatɛ ulu lɛlɔ bɔmɛni ni,
kaƒɔ kátayɔ-nwu.
16Ɔ́nu ka ukyuli ina unwi pɛ muedi uuubo
ɔni mɔɔwia ka litemi bɔtɛ
ulu siin lɛlɔ bɔmɛni bɔƒɔ
bekyuli akɔ,
anwuɔsu anwu ɔlati údie nwuna kɔnu
na ɔ́bla ɔyikun ala
na ɔ́ya na nwuna litemi geen lɛmmɔ lɛ́di lɛlɔ.
17Siin bɔbla ndi awu na
Unwoti ɔkya
aani kekpo lɛgyumanala
na nwuna bɔƒɔ ɔyikun ɔdi kekpo kabwa kebi-nwu lili
na nwuna kɔnyi kɔni na ɔdubuti udie
likpidi bablane kasi ku lɛnungyie
ndi nwuna awu gyɔlɔɔ.
18Unwoti ɔdubo kɔnyi buti geen
na udie nwuna bekisine kasi,
bekisine bani nde ku bani nkya ɔlɔgyu ƒui,
na udie kasi na ekpidi ani na bábla kenye.
19Na ɔ́si ɔƒɛ katukɔ útédu
kanukɔ ƒui
bekyuli badubo butaayia-nwu
na bemwi-nwu kalɛ na uukeye.
Ɔsika ɔdubɔda ɔlɛ-ma lɛlɔ aani ketu kani néyi
na kadanku ɔƒɛƒɛɛ kpakplaa na ɔbɔku-ma ƒui.
20Unwoti ɔnini, “Udiene ɔdubo Sion
na udie Yakob kaba kemmo bebi bani
ndubunwini kama bakya bana ekpidi.
21“Líse-ma kenye ka ndubuti mina Kɔyu ku linyesia lite-ma. Na ɔmɛni ndi mina etela ani na ndubuti lite-ma ku bina kɔduli bekyuli úsela uwi ƒui.” Lɛni na Unwoti ɔ́su.
Currently Selected:
Yesaia 59: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
