Popular Bible Verses from Yesaia 59

Share

Mmomu bina alaekpidi náda-mii ntɛ ɔsu na údie anumi bina lɛlɔ na ɔsɔ ulenu-mii bɔkpali.

Bitakali bɛnii Unwoti ɔyikun ɔ́sɔ na ulakana kɔnu bunene bɔƒɔ-mii iye atu éti-nwu na ulakana na wenu bina bɔkpali.

“Líse-ma kenye ka ndubuti mina Kɔyu ku linyesia lite-ma. Na ɔmɛni ndi mina etela ani na ndubuti lite-ma ku bina kɔduli bekyuli úsela uwi ƒui.” Lɛni na Unwoti ɔ́su.

Na ɔ́si ɔƒɛ katukɔ útédu kanukɔ ƒui bekyuli badubo butaayia-nwu na bemwi-nwu kalɛ na uukeye. Ɔsika ɔdubɔda ɔlɛ-ma lɛlɔ aani ketu kani néyi na kadanku ɔƒɛƒɛɛ kpakplaa na ɔbɔku-ma ƒui.

Unwoti ɔnini, “Udiene ɔdubo Sion na udie Yakob kaba kemmo bebi bani ndubunwini kama bakya bana ekpidi.