ISAÍAS 55
55
Llapata Señor Diospa khuyapayayta munasqan
1¡Yaw llapa ch'akichikuqkuna, unu ukyaq hamuychis!
¡Yaw mana qolqeyoqkuna, hamuychis!
Mana qolqellawan trigota rantikuspa mikhuychis.
¡Hamuychis! Mana pagaspalla vinotapas lechetapas ukyaychis.
2¿Imanaqtintaq mana mikhunapi qolqeta tukunkichis?
¿Imanaqtintaq llank'apakusqaykichistapas mana saksachikuqpi tukunkichis?
Maki uyariwaychis, chaymi allin mikhunata mikhunkichis,
sumaqtapunin kawsankichis.
3Maki uyarimuwaychis, hinaspa asuykamuwaychis,
uyarimuwaychis, chay hinapin kawsankichispuni.
“Munakushallasqaykichispunin” nispa Davidman prometesqayman hinan
qankunawan wiñaypaq rimanakusaq.
4Ñoqan Davidta hatun suyukunata kamachinanpaq umallinanpaq churarqani,
paypa kawsayninpin atiyniyta llaqtakunaman rikuchirqani.
5Qanpas mana reqsisqayki llaqtakunatan waqyamunki,
hinan paykunaqa kamachiykita ruwanankupaq phawamusunkiku,
ñoqa Apu Señor Diosniykin chayta ruwasaq,
Israelpa Ch'uya Diosninmi hatunchasqayki, nispa.
6Señor Diosta maskhaychis tarinaraq kashaqtin,
payta waqyakuychis qayllallapiraq kashaqtin.
7Mana chanin runaqa ñanninta saqepuchun,
millay runapas yuyaykusqankunata wikch'upuchun,
Señor Diosmantaq kutikapuchun,
paymi payta khuyapayanqa,
Diosninchisman kutipuchun,
payqa pampachaykuytapunin munashan.
8Señor Diosmi nin:
Yuyayniykunaqa manan yuyayniykichiskuna hinachu,
ruwayniykunapas manan ruwayniykichis hinachu.
9Imaynan hanaq pachaqa hallp'a pachamanta aswan hatunraq kashan,
chay hinan ruwayniykunaqa qankunaqmantaqa aswan hatunraq,
yuyayniykunapas qankunaqmantaqa aswan hatunraqmi.
10Imaynan hanaqmanta paramunpas rit'imunpas,
manataq hanaqman kutipunchu, aswanpas hallp'ata qarpan,
hinaspa chayta phutuchin wiñachin,
tarpuqpaqpas muhuta ruruchin,
mikhuqpaqpas mikhunata poqochin,
11chay hinan rimasqay simiyqa hunt'aspapuni kutimuwanqa,
imachus munasqaytan ruwanqa,
hinaspan kamachisqayta llapantapuni hunt'anqa.
12Babiloniamantaqa kusisqan lloqsipunkichis,
mana imanasqallan chaymanta pusasqa kankichis.
Orqokunapas moqokunapas ñawpaqeykichispin takiyta kachaykunqaku,
campo llapa sach'akunapas t'aqllakunqakun.
13T'ankarpa wiñanantan ciprés wiñanqa,
kisaq wiñanantan arrayán wiñanqa.
Kaymi wiñaypaq señal kanqa,
ñoqa Señor Diospa ruwasqaytan yuyarichishallanqa, nispa.
Currently Selected:
ISAÍAS 55: QC88
Highlight
Copy
Compare
Share
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.
