Popular Bible Verses from ISAÍAS 55

Share

Señor Diosmi nin: Yuyayniykunaqa manan yuyayniykichiskuna hinachu, ruwayniykunapas manan ruwayniykichis hinachu.

Imaynan hanaq pachaqa hallp'a pachamanta aswan hatunraq kashan, chay hinan ruwayniykunaqa qankunaqmantaqa aswan hatunraq, yuyayniykunapas qankunaqmantaqa aswan hatunraqmi.

Señor Diosta maskhaychis tarinaraq kashaqtin, payta waqyakuychis qayllallapiraq kashaqtin.

Mana chanin runaqa ñanninta saqepuchun, millay runapas yuyaykusqankunata wikch'upuchun, Señor Diosmantaq kutikapuchun, paymi payta khuyapayanqa, Diosninchisman kutipuchun, payqa pampachaykuytapunin munashan.

¡Yaw llapa ch'akichikuqkuna, unu ukyaq hamuychis! ¡Yaw mana qolqeyoqkuna, hamuychis! Mana qolqellawan trigota rantikuspa mikhuychis. ¡Hamuychis! Mana pagaspalla vinotapas lechetapas ukyaychis.

Imaynan hanaqmanta paramunpas rit'imunpas, manataq hanaqman kutipunchu, aswanpas hallp'ata qarpan, hinaspa chayta phutuchin wiñachin, tarpuqpaqpas muhuta ruruchin, mikhuqpaqpas mikhunata poqochin, chay hinan rimasqay simiyqa hunt'aspapuni kutimuwanqa, imachus munasqaytan ruwanqa, hinaspan kamachisqayta llapantapuni hunt'anqa.

Babiloniamantaqa kusisqan lloqsipunkichis, mana imanasqallan chaymanta pusasqa kankichis. Orqokunapas moqokunapas ñawpaqeykichispin takiyta kachaykunqaku, campo llapa sach'akunapas t'aqllakunqakun.

Maki uyarimuwaychis, hinaspa asuykamuwaychis, uyarimuwaychis, chay hinapin kawsankichispuni. “Munakushallasqaykichispunin” nispa Davidman prometesqayman hinan qankunawan wiñaypaq rimanakusaq.