1~Pedro 4
4
Yachay qowasqanchikman hina Diosta servinanchikmanta
1Imaynam Cristopas ñoqanchikrayku cuerponpi ñakarirqa, chaynayá qamkunapas pay hina ñakarinaykichikpaq listolla kaychik, pipas cuerponpi ñakariqqa huchamantam rakikurunña, 2chaynapi kawsanankama Diospa munasqanpi purispa, manaña runakunapa munasqanman hina kawsananpaq. 3Qamkunaqa unay tiempoñam huchallikurqankichik Diospi mana iñiqkunapa munasqan-ta ruwaspaykichik, kawsaynikichikpi mana controlakuspa, mana allin munaykunapi, upyakuykunapi, fiesta ruwaykunapi hinaspa leypa contranpi millakuypaq idolokuna yupaychaykunapi purispaykichik. 4Kunanñataqmi payku-napa ruwasqanman manaña huklla-wakuptikichik llakisqallaña kachkan-ku mana allin ruwayninkunapi mana-ña kuskanchakuptikichik, chaymi qam-kunamantaqa mana allintaña rimanku. 5Paykunam ichaqa wañuqkunapas hinaspa kawsaqkunapas juzgananpaq listollaña kaq Diosman cuentata qonqaku. 6Chaypaqmi Cristoqa wañusqakunamanpas allin noticiata willarqa, chaynapi aychankupi runakuna hina juzgasqa kachkaspapas espirituman hinaqa Diospaqña kawsanankupaq.
7Tukuy imapa puchukayninmi hich-pallaña kachkan, chaynaqa rikchan-llayá kaychik, amataq Diosta mañakuytapas qonqaychikchu. 8#Pr 10.12.Tukuy imamantapas llalliriqtaqa kuyanakuychik-yá, kuyanakuyqa maynaña huchatapas pampachaykunmi. 9Ama murmuranakuspa wasikichikpipas samaykachinakuychik. 10Sapakamayá Diospa atiynin chaskisqaykichikman hina yanapanakuychik, Diospa tukuy rikchaq kuyaykuyninmanta nanachikuq allin mayordomokuna hina. 11Pipas rimaspaqa Diospa palabranman hinayá rimachun, pipas yanapaspaqa Diospa atiy qosqanman hinayá yana-pachun, tukuy ruwasqaykichikqa Jesu-cristopi Dios alabasqa kananpaqyá kachun. Diosqa atiyniyuq kasqanraykuyá wiña-wiñaypaq qapaqchasqa kachun. Amén.
Iñiqkunapa ñakarinanmanta
12Kuyasqay wawqe-panillaykuna, tukuy rikchaq sasachakuykuna hamusuptikichikqa amayá hukmanyaruychikchu yaqa mana allinpas kanman hinaqa. 13Aswanqa Cristopa ñakariqmasin kasqaykichikraykuyá kusikuychik, chaynapi hanaq pachamanta suma-sumaq kanchariyninta qawaspa aswanraq kusikunaykichikpaq. 14Mayna kusisqam kankichik, Jesu-cristorayku insultasuptikichikqa, qam-kunapim sumaq kanchariq Diospa Espiritun sapa punchaw kachkan. 15Chay-naqa, hukkaqnikichik ñakarispaqa amayá ñakarichun runa wañuchiq hinachu, suwakuq hinachu, mana allinkuna ruwaq hinachu nitaq chaqwakuna ruwaq hinachu. 16Sichum pipas Cristopi iñikuq kasqanmanta ñakarispaqa amayá penqakuchunchu, aswanqa Diostayá hatunchachun.
17Ñam chayaramunña Diospi iñiqkunata juzganan punchaw, ñoqanchikwan juicio qallariptinqa, ¿imaynaraq kanqa Diospa allin notician mana kasukuqkunaqa? 18#Pr 11.31.Justo runapas ñakayta salvakuchkaptinqa, ¿imaynaraq kanqa Dios mana reqsiq runakunawan huchasapa runakunaqa? 19Chaynaqa, Diospa munayninman hina ñakariqkunaqa allin kaqkunata ruwaspayá confiakuna unanchakuq Diospa makinman almankuta churachunku.
Currently Selected:
1~Pedro 4: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
