Popular Bible Verses from 1~Pedro 4

Share

Tukuy imamantapas llalliriqtaqa kuyanakuychik-yá, kuyanakuyqa maynaña huchatapas pampachaykunmi.

Sapakamayá Diospa atiynin chaskisqaykichikman hina yanapanakuychik, Diospa tukuy rikchaq kuyaykuyninmanta nanachikuq allin mayordomokuna hina.

Pipas rimaspaqa Diospa palabranman hinayá rimachun, pipas yanapaspaqa Diospa atiy qosqanman hinayá yana-pachun, tukuy ruwasqaykichikqa Jesu-cristopi Dios alabasqa kananpaqyá kachun. Diosqa atiyniyuq kasqanraykuyá wiña-wiñaypaq qapaqchasqa kachun. Amén.

Sichum pipas Cristopi iñikuq kasqanmanta ñakarispaqa amayá penqakuchunchu, aswanqa Diostayá hatunchachun.

Tukuy imapa puchukayninmi hich-pallaña kachkan, chaynaqa rikchan-llayá kaychik, amataq Diosta mañakuytapas qonqaychikchu.

Kuyasqay wawqe-panillaykuna, tukuy rikchaq sasachakuykuna hamusuptikichikqa amayá hukmanyaruychikchu yaqa mana allinpas kanman hinaqa. Aswanqa Cristopa ñakariqmasin kasqaykichikraykuyá kusikuychik, chaynapi hanaq pachamanta suma-sumaq kanchariyninta qawaspa aswanraq kusikunaykichikpaq.

Ama murmuranakuspa wasikichikpipas samaykachinakuychik.

Chaynaqa, Diospa munayninman hina ñakariqkunaqa allin kaqkunata ruwaspayá confiakuna unanchakuq Diospa makinman almankuta churachunku.

Imaynam Cristopas ñoqanchikrayku cuerponpi ñakarirqa, chaynayá qamkunapas pay hina ñakarinaykichikpaq listolla kaychik, pipas cuerponpi ñakariqqa huchamantam rakikurunña, chaynapi kawsanankama Diospa munasqanpi purispa, manaña runakunapa munasqanman hina kawsananpaq.

Mayna kusisqam kankichik, Jesu-cristorayku insultasuptikichikqa, qam-kunapim sumaq kanchariq Diospa Espiritun sapa punchaw kachkan.