1~Pedro 5
5
Iñiqkunapaq kamachikuykunamanta
1Kunanñataqmi qamkuna ukupi kaq ancianokunata rimapayamuni, ñoqapas paykuna hina ancianom kani, rikurqanitaqmi Jesucristopa ñakarisqankunatapas, ñoqapas pay-kunawan kuskam suma-sumaq riku-rimuq achkiyman yaykusaq. 2#Jn 21.15-17.Nanachi-kunaykichikpaq qosusqaykichik Diospa ovejankunatayá michiychik. Chaytaqa Diospa munasqanman hinayá ruwaychik, amayá hikutasqallachu nitaq qollqeraykullachu, aswanqa tukuy son-qoykichikmanta. 3Amayá munaychakuq hinachu, aswanqa paykunapa ejem-plonyá kaychik. 4Chaynapim, michiqkunapa Kamachiqnin hamuptinqa, kancharichkaq mana tukuq coronata chaskinkichik.
5 #
Pr 3.34. Jovenkuna, qamkunapas ancianokunatayá kasukuychik. Llapaykichikyá uchuychakuspa kasunakuychik, Chuya Qellqam kaynata nin:
“Diosqa hatun tukuqkunapa contranpim kachkan,
uchuychakuqkunatam ichaqa kuyakuyninwan yanapan”, nispa.
6 #
Mt 23.12; Lc 14.11; 18.14. Chaynaqa, Diospa atiyniyuq makin-piyá uchuychakuychik, tiempo chayaramuptinmi hatunchasunkichik. 7Tukuy llakikichiktayá Diosman saqeychik, paymi qamkunamanta nanachikuqqa.
8Allin yuyayniyuq hinaspa rikchapallayá kaychik, enemigoykichik diabloqa yarqasqa león hinam mu-yuriqnikichikpi purichkan pitapas millpurunanpaq. 9Paypa contranpiyá qaqa hina sayaychik iñiynikichikpi, yachasqaykichikpi hinapas kay pachapi iñiqmasikichikkunapas chaynallatapunim ñakarichkanku. 10Pisi tiempollapas chaykunata ñakariruptikichikqa kikin Diosmi mana chikan huchayuq kayman chayachisunkichik, qaqa hina sayaqta, kallpayuqta hinaspa allin takyaqta. Tukuy imapi yanapawaqninchik Diosmi Cristontakama qayaykuwanchik wiña-wiñaypaq kancharichkaq herenciata chaskinanchikpaq. 11Atiyniyuq Diosyá wiña-wiñaypaq hatunchasqa kachun. Amén.
Cartapa tukuyninmanta
12 #
Hch 15.22, 40. Iñiypi wawqeypaq hapisqay Silva-nowanmi asllapi qellqamusqay cartata apachimuykichik, kallpanchamuspaymi Diospa cheqap kuyakuyninmanta rimapayamuykichik, chaypi qaqa hina sayanaykichikpaq.
13 #
Hch 12.12, 25; 13.13; 15.37-39; Col 4.10; Flm 24. Babilonia llaqtapi kaq qamkuna hina Diospa akllasqankunam rimay-kamusunkichik, iñiypi churiy Marcospas rimaykamusunkichikmi. 14Llapallay-kichikyá chuya muchakuywan rimay-kanakuychik.
Cristopi llapallan iñiqkunaqa hawkallayá kawsakuychik. Amén.
Currently Selected:
1~Pedro 5: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
