1~Pedro 3
3
Casadokunapa imaynam kawsananmanta
1 #
Ef 5.22; Col 3.18. Warmikuna, qamkunapas qosaykichiktayá kasuychik, chaynapim Diospa palabranpi mana iñiq qosakunapas mana rimapayachkasqalla allin kawsasqaykichikta qawaspa iñikunqaku. 2Respetowan allin kawsasqaykichikta qawaspankum iñikunqaku. 3#1~Ti 2.9.Qamkunapa sumaq kaynikichikqa kachun, amayá hawallaykichikpichu, chukchaykichik ñaqchapakuyllapichu, qorimanta alhajakunawan churakuyllapichu nitaq fino pachawan churakuyllapichu. 4Aswanqa suma-sumaq kaynikichikqa sonqoykichikmantayá lloqsimuchun, chayna hawkalla kawsakuspam llampu sonqo espirituyuq kankichik, chayna kawsakuymi Diospa qayllanpiqa anchapas allin. 5Ñawpaq tiempopi chuya warmikunapas chaynatam allichapakuqku, paykunaqa Diospi hapipakuspam qosankutapas kasukuqku. 6#Gn 18.12.Imaynam Sarapas Abrahamta kasukuq, hinaspam payta “señorniy” niq. Qamkunapas chaynata ruwaspaykichikqa paypa wawankuna hinam kankichik, manam imatapas manchakunkichikchu.
7 #
Ef 5.25; Col 3.19. Qosakuna, qamkunapas warmiki-chikwanyá allinta kawsaychik, yachay-wanyá paykunawanqa kawsaychik, chaylla pakiruq vasota hinayá cuidaychik, hanaq pachapi herencia chaskiqmasikichikta hinayá nanachikuychik, chaynapi mañakusqaykichikta Dios uyarisunaykichikpaq.
Allinta ruwasqankurayku ñakariqkunamanta
8Chaynaqa, llapallaykichikyá huk sonqolla kawsaychik, llakipayanakuspa, kuyanakuspa hinaspa lliwpaq allin runa kaychik. 9Mana allinmantaqa amayá mana allinwanqa kutichiychu, kamisuqnikichiktapas amayá kamiychikchu, aswanqa bendicionwanyá kutichiychik. Diosqa bendicionta chaskinaykichikpaqmi qayasurqankichik. 10#Sal 34.12-16.Chuya Qellqapim kaynata nichkan:
“Pipas vidanta kuyaq runaqa,
pipas allin punchawkunata qaway munaqqa, mana allinmanta qallunta waqaychachun,
llulla rimaymanta siminta wichqachun.
11Mana allinmanta ayqekuy,
allin kaqkunata ruway,
hawkayayta maskaspa chayllata qatiy.
12Señorqa allin ruwaq runakunataqa waqaychanmi, paykunapa mañakuyninkutapas uyarinmi,
payqa mana allin ruwaqkunapa contranpim kachkan”, nispa.
13¿Pitaq ima mana allintapas ruwa-sunkichikman sichum allinta ruwachkaptikichikqa? 14#Mt 5.10.#Is 8.12-13.Allin ruwasqaykichikmanta ñakarispaqa mayna kusisqam kankichik, amayá pitapas manchakuychikchu nitaq hukmanyaychikchu. 15Aswanqa Señorninchik Cristotayá sonqoykichikpi hatunchaychik, hinaspayá tukuy tiempo chaylla kaychik imam iñisqaykichikmanta haykam tapusuqnikichikta tupaqninpi kutichikunaykichikpaq, chaytaqa uchuy-chakuspa hinaspa respetowan ruwaychik. 16Ichaqa llampu sonqowan hinaspa respetowan ruwaychik, Cristopi iñiqkuna hina allinta kawsaychik, chaynapi allin kawsasqaykichikmanta mana allin rimaqkuna kikinku penqaypi kanankupaq. 17Dios munaptinqa allin ruwasqaykichikmanta ñakariyqa allinmi, mana allin ruwasqaykichikmanta ñakariymi ichaqa mana allinchu.
18Chaynataqmi Cristopas huk kutillata huchanchikkunamanta ñakarirqa. Payqa mana huchayuqmi karqa, ichaqa mana allin runakunata Diosman pusa-wananchikpaqmi ñakarirqa. Aychapi wañukuchkaspapas espiritupa yana-pakuyninwanmi kawsarimurqa. 19Espi-ritupi rispanmi presochasqa espiritukunaman willamurqa. 20#Gn 6.1—7.24.Paykunam ñawpaq tiempokunapi mana kasukurqakuchu, arcata Noé ruwanankama pacienciawan Dios suyachkaptinpas. Arcapiqa pusaq runakunallam yakupi wañunankumanta salvakurqaku. 21Chay yakum rikchakun bautizakuna yakuman, chaywanmi ñoqanchikpas salvasqa kanchik. Bautis-moqa manam cuerponchiktaqa mayllanchu, aswanqa chuya sonqoyuq kayta Diosmanta mañakuymi, hinaspam Jesucristopa kawsarimusqanwan salvasqa kanchik. 22Paymi hanaq pachaman wicharispan Diospa alleqninpi kachkan, paytam kasunku angelkunapas, autoridadkunapas chaynataq atiyniyuqkunapas.
Currently Selected:
1~Pedro 3: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
