Aizaia 65
65
Naawuni darigi tipawumlinim’ tibili
1 #
Rom 10.20
N zaŋ mmaŋ’ wuhi ninvuɣ’ shɛb’ bɛn bi bɔhi n yɛla,
ka chɛ ka ninvuɣ’ shɛb’ bɛn bi bo ma nya ma.
N yɛli zuliya shɛb’ bɛn bi suhiri ma,
“Mani m-bɔŋɔ, mani m-bɔŋɔ.”
2 #
Rom 10.21
N kul malila shili n-guhiri sahakam
ni n deei n niriba bɛn niŋ tipawumli n-tumdi din bi tuhi,
ka doli bɛmaŋmaŋ’ suhuyubu soli maa.
3Bɛ kul tumdila vi tuma,
ka di kuri ma suli.
Bɛ maanila maligu buɣa ni,
ka tuɣindi tulaale buɣa maligu bimbini zuɣu.
4Bɛ chanila gbala ni yuŋ ti buɣiri kpiimba baɣiri,
ka ŋubiri kuruchunim’ nimdi;
ka piɛbiri buɣa maligu nimdi bim.
5Di saha ka yɛri bɛ taba,
“Ti nyɛla bɛn be kasi; miligimiya ka chɛ ti.”
M mini niriba bɛn be lala ku tooi kpe.
N suhuyiɣisili zaŋ chaŋ bɛ sani ŋmanila buɣim din bi kpiri dabisili puuni zaa.
6“Nyama, di pun sabimi ʒiɛya n sani,
m bi yɛn shini,
amaa n ni darigi bɛ tibili.
7N ni darigi bɛ tibili bɛ daalahichi
mini bɛ yaannim’ daalahichi zuɣu,
dama bɛ tuɣindi tulaale zim buɣa maligu zoya zuɣu,
ka tɔɣisiri yɛtɔɣ’ biɛri zaŋ chaŋ m polo.
N shiri ni darigi bɛ tibili pam bɛ tuumbiɛri maa zuɣu.
Man’ Yawɛ n-yɛli lala maa.”
8Man’ Yawɛ lan yɛli,
“So na ʒi n-zaŋ wain tiwal’ viɛla labi,
amaa o naɣ’ zaŋdi li mi dooi wain.
Dinzuɣu n gba ku bahi n niriba zaa yoli,
n ni tiligi bɛ puuni ninvuɣ’ shɛb’ bɛn jɛmdi ma.
9N ni chɛ ka Yaakubu zuliya
bɛn nyɛ Judanim’ la
mini bɛ yaansi su
n zoya ni tiŋgbana la.
N ninvuɣ’ gahinda bɛn jɛmdi ma
n-yɛn be nimaani.
10 #
Jɔsh 7.24-26
N niriba bɛn jɛmdi ma maa ni zaŋdi bɛ piɛri
mini bɛ niɣi chani Sharɔn bɔpiɛligu ni
mini Akɔr Vinvamli#65.10 AKƆR VINVAMLI: Hiburuli ni Akɔr gbinni nyɛla “Wahala”. Dinzuɣu Akɔr Vinvamli nyɛla, “Wahala Vinvamli”. ni ka bɛ ti ŋubiri mɔri.
11“Amaa yinim’ bɛn zaɣisi ma,
ka tam n zoli din be kasi la yɛla,
ka puhiri churi
ka jɛmdi zuɣusuŋ wuna la,
12n ni chɛ ka bɛ zaŋ takɔbi kun ya.
Yi ni ti teei dɔni ka bɛ kun ya.
Dama n daa boli ya ka yi zaɣisi,
ka tɔɣisi ya yɛtɔɣa ka yi zaɣisi wumbu;
amaa ka tumdila tuumbiɛri zaŋ chaŋ n sani,
ka dolila n ni je shɛli.
13Dinzuɣu man’ yi Duuma NAAWUNI yɛliya:
N niriba bɛn jɛmdi ma ni di n-tiɣi ka nyu,
amaa ka kum ni kɔnyuri mali yinima.
Bɛ ni mali suhupiɛlli,
amaa ka yinim’ di vi.
14Bɛ ni yiini yila ni suhupiɛlli,
amaa yinima ni kum ni suhusaɣiŋgu.
15N niriba ni wuhi ni yi yuli leela noli n-din ya,
ka man’ Yawɛ ŋun nyɛ yi Duuma ŋɔ ni chɛ ka yi kpi,
amaa n ni ti n niriba maa yuli din nyɛ zaɣ’ palli.
16Ka tiŋgbani ŋɔ ni so yi bɔri alibarika,
Naawuni ŋun ʒe yim ŋɔ n-ni niŋ alibarika maa niŋ o ni.
Ka ŋunkam mi yɛn po pɔri,
ŋun pom li dalim la Naawuni ŋun ʒe yim maa.
Dama n tam yɛl’ shɛŋa din pun gari la yɛla.
Di zaa yiɣiya ka firi.”
Zuɣusaa zaɣ’ palli mini dunia palli
17 #
Aiz 66.22; 2 Pita 3.13; Kah 21.1 Yawɛ yɛliya, “N yɛn namla zuɣusaa zaɣ’ palli
mini dunia palli,
ka so ku lan teei
binshɛŋa din pun gari la yɛla.
18Maliya suhupiɛlli sahakam
n ni nam shɛli zuɣu.
Suhupiɛlli ni be n ni nam Jɛrusalɛm shɛli maa ni,
ka di niriba mali suhupiɛlli.
19 #
Kah 21.4
N ni mali suhupiɛlli Jɛrusalɛm
mini n niriba zuɣu,
ka so ku lan kum bee n-fabili di ni.
20Biliɛɣu ku lan kpi nimaani
bee ka ninkurigu ti kpi ka o saha na bi paai;
dama nir’ yi ti niŋ yuun’ kɔbiga ka kpi,
bɛ ni yɛli ni o nyɛla bipolli,
ka so mi yi bi paai yuun’ kɔbiga ka kpi,
bɛ ni yɛli ni noli n-di o.
21Bɛ ni ti me bɛ yinsi n-kpe m-be di ni,
ka sa tihi ka di wali
ka bɛ di di wala maa.
22So ti ku me o yili ka shɛb’ deei li kpe m-beni,
ka so mi ti ku sa tihi
ka shɛb’ deei di wala di.
N niriba maa ni di
bɛ nuhi tuma daanfaani.
Tihi ni yɛn yuuri shɛm,
lala ka n niriba maa gba yɛn yuura.
23Bɛ ni di nasara bɛ tuma ni,
ka alɔbo ku di bɛ bihi.
N ni niŋ alibarika niŋ bɛ
mini bɛ bihi ni sahakam.
24Bɛ yi kuhi boli ma,
bɛ noli ti yɛn lu tiŋa,
n ni saɣi.
Bɛ yi suhiri ma,
bɛ noli ti yɛn lu tiŋa,
n ni deei bɛ suhigu.
25 #
Aiz 11.6-9
Kunduna mini piɛbihi ni ti laɣindi dira,
ka gbuɣima ti ŋubiri mɔri kaman niɣi la,
ka tinvura bindirigu ni nyɛla taŋkpaɣu.
Bɛ ti ku lan dim so
bee n-ku so n zoli din be kasi maa luɣ’ shɛlikam zaa.
Man’ Yawɛ n-yɛli lala maa.”
Currently Selected:
Aizaia 65: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
