Popular Bible Verses from Aizaia 65

Share

Bɛ yi kuhi boli ma, bɛ noli ti yɛn lu tiŋa, n ni saɣi. Bɛ yi suhiri ma, bɛ noli ti yɛn lu tiŋa, n ni deei bɛ suhigu.

Yawɛ yɛliya, “N yɛn namla zuɣusaa zaɣ’ palli mini dunia palli, ka so ku lan teei binshɛŋa din pun gari la yɛla.

Bɛ ni di nasara bɛ tuma ni, ka alɔbo ku di bɛ bihi. N ni niŋ alibarika niŋ bɛ mini bɛ bihi ni sahakam.

So ti ku me o yili ka shɛb’ deei li kpe m-beni, ka so mi ti ku sa tihi ka shɛb’ deei di wala di. N niriba maa ni di bɛ nuhi tuma daanfaani. Tihi ni yɛn yuuri shɛm, lala ka n niriba maa gba yɛn yuura.

Biliɛɣu ku lan kpi nimaani bee ka ninkurigu ti kpi ka o saha na bi paai; dama nir’ yi ti niŋ yuun’ kɔbiga ka kpi, bɛ ni yɛli ni o nyɛla bipolli, ka so mi yi bi paai yuun’ kɔbiga ka kpi, bɛ ni yɛli ni noli n-di o.

Kunduna mini piɛbihi ni ti laɣindi dira, ka gbuɣima ti ŋubiri mɔri kaman niɣi la, ka tinvura bindirigu ni nyɛla taŋkpaɣu. Bɛ ti ku lan dim so bee n-ku so n zoli din be kasi maa luɣ’ shɛlikam zaa. Man’ Yawɛ n-yɛli lala maa.”

N ni mali suhupiɛlli Jɛrusalɛm mini n niriba zuɣu, ka so ku lan kum bee n-fabili di ni.