Aizaia 64
64
1Ti bɔri ni a vii sagbana ka siɣina.
Ka zoya nya a,
ka dabiɛm gbaai li ka di sɔhigi.
2Di ni sɔhigi kaman buɣim ni chɛ
ka kom din tam di zuɣu kpeeri shɛm la.
Kamina ti wuh’ a yiko ni nyɛ shɛm a dimnim’ sani,
ka zuliya kam zaa ni sɔhig’ a tooni.
3Saha shɛli ha a daa kana ti tum tuun’ shɛŋa din mali dabiɛm pam,
ka ti bi tɛhi ni a ni niŋ lala,
ka zoya daa sɔhig’ a tooni.
4 #
1 Kɔr 2.9
Kurimbuni ha zaŋ na ni pumpɔŋɔ,
so nini na ʒi n-nya bee n-wum
ni Naawuni so beni pah’ a zuɣu,
ka nyɛ ŋun tumdi tuun’ kara tiri ninvuɣ’ shɛb’ bɛn guhir’ o.
5Ninvuɣ’ shɛb’ bɛn tumd’ a yubu ni suhupiɛlli,
ka dol’ a soli n-nyɛ a ni sɔŋdi shɛba.
Amaa ti ni kul tumdi alahichi zuɣu,
ka a suhu yiɣisi bahi ti zuɣu maa.
Amaa hal a suhu ni kul yiɣisi bahi ti zuɣu maa zaa yoli,
ti kul tumdila alahichi maa kurimbuni hal ni pɔŋɔ,
ka di simdi ni ti nya tiliginsim.
6Ti zaa nyɛla alahichinima,
ka ti wuntia tuma zaa ŋmanila binchɛr’ biɛri.
Ti daalahichi zuɣu chɛ ka
ti ŋmanila vari din kuui n-suui lu
ka pɔhim ʒe li bahi.
7So bi jɛmd’ a,
so mi bi bɔri sɔŋsim a sani.
Dama a lɛbila a nyaaŋa biri ti,
ka chɛ ti niŋ ti daalahichi maa ni.
8Amaa Yawɛ,
nyini n-nyɛ ti ba,
ti ŋmanila yaɣiri a sani,
ka a mi ŋmani yaɣimɛra.
Ti zaa nyɛla a ni zaŋ
a nuhi nam shɛba.
9Yawɛ, ti zaa nyɛla a niriba,
dinzuɣu, di chɛ ka a suhu yiɣisi hal ti yaɣi.
A mi di gbibi ti taali sahakam.
10A tinsi din be kasi la
mini Ziɔn leela dabari.
Ka Jɛrusalɛm leei
bɛ ni zo ka chɛ tin’ shɛli.
11Ti yaannim’ ni daa paɣir’ a
ti jɛmbu du’ kasi shɛli puuni la,
buɣim di li,
ka luɣ’ shɛŋa zaa din viɛli ka ti daa yuri li la wurim doya.
12Yawɛ, dimbɔŋɔ zaa nyaaŋa,
a ni lɛb’ a nyaaŋa biri ti,
ka chɛ ka ti di wahala shɛŋa
di ni bi simdi ni ti di?
Currently Selected:
Aizaia 64: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
