Kuyamba 36
36
M'badwe wa Esau
(1 Mako 1:34–37)
1Uwu ndiwo m'badwe wa Esau uyo akhachemelewa kuti Edhomu. 2#Kuya 26:34Esau adaloola akazi wachi Kenani, Adha mwana wachikazi wa Eloni mu Hiti, na Oholibhama mwana wachikazi wa Ana, mwana wachikazi wa Zibhiyoni mu Hivi, 3#Kuya 28:9na Bhasemati mwana wachikazi wa Ishimayeli, nana wa Nebhayoti. 4Adha adabalila Esau, Elifazi; Bhasemati adabala Rueli; 5Oholibhama adabala Jewushi na Jalamu na Khora. Awa ndiwo wana wa Esau waadabaliliwa paakhali mudziko la Kenani.
6Pamwepo Esau adatakula azikazi wake, wana wake wachimuna nawachikazi, nawanthu wentse wamunyumba mwake, nabzifuwo bzake, nachuma chake chentse chaadawona mudziko la Kenani, nkuyenda kutali nankulu wake Jakobho. 7Pakuti iwo akhana chuma nabzifuwo bzizinji, bzikhakwanisika lini kuti akhale pabodzi. 8Esau adakhala mudziko lamapili mu Seiri; Esau an'chemelewa pomwe kuti Edhomu.
9Uwu ndiwo m'badwe wa Esau, apayi waa Edhomu awo akhakhala mudziko lamapili la Seiri. 10Aya ndiyo madzina yawana wa Esau: Elifazi mwana wa Adha nkazi wa Esau, Rueli mwana wachimuna wa Bhasemati nkazi wa Esau. 11Wana wa Elifazi akhali, Themani na Omari na Zefo na Gatamu na Kenazi. 12Thimina akhali nkazi wapambali wa Elifazi, mwana wachimuna wa Esau. Iye adabalila Elifazi mwana wachimuna waadapasa dzina lakuti Amaleki. Awa ndiwo wana wachimuna wa Adha nkazi wa Esau. 13Awa ndiwo wana wa Rueli: Nahati na Zera na Shama na Miza. Awa ndiwo wana wachimuna wa Bhasemati nkazi wa Esau. 14Awa ndiwo wana wa Oholibhama mwana wachikazi wa Ana, mwana wachimuna wa Zibheyoni, nkazi wa Esau. Adabalila Esau Jehushi na Jalamu na Khora.
15Aya ndiyo mazimambo yawana wa Esau. Wana wachimuna wa Elifazi, mwana wakuyamba wa Esau: mambo Temani na Omari kuchizabwela Zefo na Kenazi 16na Khora na Gatamu na Amaleki. Aya ndiyo mazimambo yadabadwa na Elifazi mudziko la Edhomu; akhali wana wachimuna wa Adha.
17Awa ndiwo wana wachimuna wa Rueli, mwana wa Esau: mambo Nahati na Zera na Shama na Miza; aya ndiyo mazimambo ya Rueli mudziko la Edhomu; akhali wana wa Bhasemati nkazi wa Esau.
18Awa ndiwo wana wachimuna wa Oholibhama nkazi wa Esau: mambo Jewushi na Jalamu na Khora; aya ndiyo mazimambo yadabadwa na Oholibhamu mwana wachikazi wa Ana, nkazi wa Esau. 19Awa ndiwo wana wachimuna wa Esau (uyo akhachemelewa pomwe kuti Edhomu), awa akhali mazimambo yawo.
M'badwe wa Seiri
(1 Mako 1:38–42)
20Awa akhali wana wachimuna wa Seiri mu Hori, akhakhala mudziko limwelo; pakhana Lotani na Shobhali na Zibheyoni na Ana 21na Dhishoni na Ezeri na Dhishani; aya yakhali mazimambo yaa Hori, wana wachimuna wa Seiri wamudziko la Edhomu.
22Wana wa Lotani akhali, Hori na Hemani; nana wa Lotani akhali Thimina.
23Awa ndiwo akhali wana wachimuna wa Shobhali: Alivani na Manahati na Ebhali na Shefo na Onami.
24Awa ndiwo wana wachimuna wa Zibheyoni: Ayiya na Ana; ndiye Ana ule adawona ntsantsa zamadzi yakupsa muchipululu, paakhabusa madhonki yaapayi wake Zibheyoni. 25Ana adabala wana awili Dhishoni na Oholibhama. 26Awa ndiwo wana wa Dhishoni: Hemudhani na Eshibhani na Itirani na Kerani.
27Awa ndiwo wana wachimuna wa Ezeri: Bhilihani na Zaavani na Akani.
28Awa ndiwo wana wachimuna wa Dhishani: Uzi na Arani. 29Aya ndiyo mazimambo yaa Hori: mambo Lotani na Shobhali na Zibheyoni na Ana, 30na Dhishoni na Ezeri na Dhishani; aya ndiyo mazimambo yaa Hori, kuteyeza madzinza yawo wamudziko la Seiri.
Mazimambo yamu Edhomu
(1 Mako 1:43–54)
31Aya ndiyo mazimambo yadatonga mudziko la Edhomu, a Izraeli anati awa namambo. 32Bhela mwana wachimuna wa Bheyori adatonga mu Edhomu. Dzina laguta laakhatonga likhachemelela kuti Dhinihabha. 33Bhela adafa, Jobhabhu mwana wachimuna wa Zera waku Bhozira ndiye adazatonga pambuto yake. 34Jobhabhu adafa, Hushani wakudziko la Temani ndiye adazatonga pambuto yake. 35Hushani adafa, Hadhadhi mwana wachimuna wa Bhedhadhi uyo adakunda a Midhiyani mudziko la Moabhi adatonga pambuto yake, dzina laguta laakhatonga likhachemelewa kuti Aviti. 36Hadhadhi adafa, Samila waku Masireka adatonga pambuto yake. 37Samila adafa, Shaulo waku Rehobhoti ku Ufuretesi ndiye adatonga pambuto yake. 38Shauli adafa, Bhaali-hanani mwana wachimuna wa Akibhori adatonga pambuto yake. 39Bhaali-hanani mwana wachimuna wa Akibhori adafa, Hadhari adatonga pambuto yake. Dzina laguta laakhatonga likhachemelewa kuti Pawu; nkazi wake akhachemelewa nadzina lakuti Mahetabheli, mwana wachikazi wa Matiredhi, mwana wachikazi wa Mezahabhi.
40Aya ndiyo madzina yamazimambo ya Esau, kuteyeza mabanja yawo nambuto zaakhakhala, namadzina yawo: mambo Timuna na Aliva na Jeteti 41na Oholibhama na Elahi na Pinoni 42na Kenazi na Temani na Mibhizari na 43Magidhiyeli na Iramu; aya ndiyo mazimambo ya Edhomu, (uyo akhachemelewa pomwe kuti Esau, apayi wa Edhomu), kuteyeza mbuto zaakhakhala mudziko lawo.
Currently Selected:
Kuyamba 36: KUNDA
Highlight
Share
Compare
Copy
Want to have your highlights saved across all your devices? Sign up or sign in
Bhaibheri reChikunda © Bible Society of Zimbabwe
