Èhàwo 114 (113 A)
114 (113 A)
Wàlɛbɛ kè Izràɛl to lè Ejiptè a…
1Wàlɛbɛ kè Izràɛlviwo hũ so Ejiptè a,
kè Yakɔb be àxuedo a to lè àmèjro nyigbã ŋuã jia,
2Yudà trɔ zũ Tɔhonɔ̀ be nɔ̀pe kɔ̀kɔ̀ɛ,
Izràɛl trɔ zũ yebe dùkɔ̃.
3Kè àpùa kpɔ Izràɛlviwoa, e si.
Yɔrdàn be ètɔ̀ sàsraa, tè yì ŋùgbe.
4Ètowo tìkpo sìgbè àgbòwo nène,
ètokɔ̃ɛwo tìkpo sìgbè gbɔgbɔɛviwo nène.
5Àpù! Nukɛ jɔ̀ ye wò si?
Yɔrdàn be ètɔ̀ sàsra!
Nukɛ jɔ̀ kaka ye wò yì ŋùgbe?
6Ètowo! Nukɛ ŋuti ye mì tìkpo
sìgbè àgbòwo nène ò?
Ètokɔ̃ɛ̃wo! Nukɛ ŋuti ye mì tìkpo
sìgbè gbɔgbɔɛwo nène ò?
7Èwò ànyigbã! Eha ne lɔ wò
ne wòa hũhũ lè Tɔhonɔ̀ be ŋùkɔ̀,
lè Yakɔb be Mawu a be ŋùkɔ̀.
8Àmè kè nana àkpã trɔna zũ ètãku
eye àhlìhãkpewo trɔna zũ èsìdoa.
Currently Selected:
Èhàwo 114 (113 A): GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.