Èhàwo 115 (113 B)
115 (113 B)
Gogo na Mawu ɖèka
1Mu nyi miawo ò Tɔhonɔ̀,
mu nyi miawo ye wo la na gogo ò,
vɔ̀a èwò ye, ɖo àpo lɔ̃lɔ̃ kudo ègbèjinɔ̀nɔa ŋuti.
2Nukɛ ŋuti ye dùkɔ̃wo le biɔ sè be:
“Fikɛ gɔ̃ woabe Mawu a lè ò?”
3Miabe Mawu a lè jiŋùkusi.
E wɔ̀nà ènu ɖekpekpe kè e jro a.
4Wo wɔ̀ woabe vòduwo ku klòsalò kudo sìka.
Wo nyi àgbètɔ be àlɔ̀nudɔ wɔ̀wɔwo.
5Wo wɔ̀ ènu na wo, vɔ̀a wo mu pònà nupo ò.
Wo wɔ̀ ŋùkuvi na wo, vɔ̀a wo mu kpɔnanu ò.
6Wo wɔ̀ èto na wo, vɔ̀a wo mu sènànu ò.
Wo wɔ̀ ŋɔ̀ti na wo, vɔ̀a wo mu sènà ènu be huɛ̃huɛ̃ ò.
7Wo wɔ̀ àlɔ̀ na wo, vɔ̀a wo mu teŋu lenanu ò.
Wo wɔ̀ àfɔ̀ na wo, vɔ̀a wo mu teŋu zɔ̃nà ò.
Nène a ke ènyà ɖekpe mu tona so woabe èhlò mè ò.
8Àmè kèwo wɔ̀ wo kudo àmè kèwo
kpata donajì ɖo woa ŋuti cã
lè sìgbè vòdu kèawo ke nène.
9Izràɛl be kɔ̀tawo, mì kã ɖo Tɔhonɔ̀ ji.
E ye nyi woabe àlɔ̀do ku woabe àkpoxɔ̀nu.
10Arɔ̀n be àxuedo, mì kã ɖo Tɔhonɔ̀ ji
E ye nyi woabe àlɔ̀do ku woabe àkpoxɔ̀nu.
11Mì àmè kèwo dona bùbu Tɔhonɔ̀ ŋutia, mì kã ɖo Tɔhonɔ̀ ji.
E ye nyi woabe àlɔ̀do ku woabe àkpoxɔ̀nu.
12Tɔhonɔ̀ ɖona ŋùku mia ji. E la tu sì na mi:
E la tu sì na Izràɛl, e la tu sì na Arɔ̀n be àxuea.
13E la tu sì na àmè kèwo dona bùbu e ŋutia,
so vifɛ̃wo ji yì àmègãxowo ji.
14Tɔhonɔ̀ ne na mìa jì ɖo ji,
mìa kudo mìabe èviwo.
15Tɔhonɔ̀ kè ɖo jiŋùkusi
kudo ànyigbã a ne tu sì na mì.
16Jiŋùkusi nyi Tɔhonɔ̀ tɔ̀,
vɔ̀a, e sɔ ànyigbã na àgbètɔwo
17Àmè kɛwo ye la kafu Mawu?
Oò, àmè kukuwo mu jìnà kaf-hà na Mawu ò!
Ɖo wo ɖiɖi ɖo èyɔ̀ mè vɔ̀.
18Sĩ vɔ̀a, miawo ye la nɔ doàkpe
na Tɔhonɔ̀ so fifì kaka sɔ yì.
Mì jì kafu-ha na Tɔhonɔ̀!
Currently Selected:
Èhàwo 115 (113 B): GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.