Èhàwo 113
113
Mawu kpɔna ɖo e mè godoo!
1Mìa Tɔhonɔ̀ be sumɔ̃viwo,
mì jì kafu-ha na ɛ̀,
mì lòlò yebe nyikɔ.
2Àkpe na Tɔhonɔ̀!
So fifì kaka sɔ yì.
3Wo la nɔ mlã Tɔhonɔ̀ be nyikɔ
so èwèzɛ̃pe yì èwèɖoxɔ̀pe.
4Tɔhonɔ̀ wugã dùkɔ̃wo kpata,
yebe gogoa to jiŋùkusi ŋuti.
5Àmè kɛ ye sɔ̀ ku Tɔhonɔ̀ miabe Mawu a?
E nɔ̀ ànyi lè yebe fìɔzìkpea ji lè èji hũi.
6E bɔ̀bɔ̀ le kpɔ ènu kèwo
lè jiŋùkusi kudo ànyigbã a.
7E trɔ fɔ̃na àmè gbɔjɔ kè le dã lè ɖiɖɔɛ mèa ɖotè.
E kɔna wɔ̀amènɔ̀ kè nɔ̀ ànyi lè kɔkɔli jia sitè.
8Ne bèa sɔ ɛ̀ nɔ̀ ànyi ɖo bùbu tèpe,
lè yebe èdù mè be fìɔviwo dòmè.
9E nana kònɔ̀ kpɔna àxue ji,
ne bèa nɔ jɔ̀jì sìgbè èviwo be ènɔ̀ nène.
Mì jì kafu-ha na Tɔhonɔ̀!
Currently Selected:
Èhàwo 113: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
