Èsea gbìgbɔ̀ hlɛ̃ 10

Sìka-nyìvia: Mawu sɔ èvuɛ̃ kè Izràɛl

1E yomè a, Tɔhonɔ̀ gblɔ̃ na mù be: 'Kpà èkpe gbàjà èvè, kèwo la nɔ̀ sìgbè cucugbã tɔ̀awo nène, eye wòa va gbɔ nyè, lè ètoa ji. Wò la sɔ àti, kpà àɖakà kpe ɖo woa ŋuti, 2ne ma ŋlɔ̀ ènyà kèwo ye nɔ̀ èkpe cucugbãtɔ̀ kè wò gbãa jia, ɖo woa ji, ne wòa sɔ wo ɖo àɖakà a mè.'

3Mù sɔ zãgaràti kpà àɖakà. Mù kpà èkpe gbàjà èvè kèwo lè sìgbè cucugbã tɔ̀awo nène, eye mù sɔ èkpe èvèawo ɖo àsi, sɔ yì ètoa ji. 4E yomè a, Tɔhonɔ̀ sɔ ŋɔ̀ŋlɔ̃ kèwo be zã cucugbãa ke, sɔ ŋlɔ̀ ènyà èwo kèwo be gblɔ̃ na mì, lè èto kè le bìzòa ji, gbè kè gbè be bɔ̀ mìa, ɖo èkpe gbàjà èvèawo ji. Eye Tɔhonɔ̀ sɔ èkpeawo do àsi na mù. 5Eye mù trɔ ɖì so ètoa ji. Mù sɔ èkpeawo ɖo àɖakà kè mù kpàa mè, eye wo ci e mè, sìgbè lekè Tɔhonɔ̀ do è àsi na mùa nène.

6Kè Izràɛlviwo jo lè Yakàn be jìjimèviwo be vudowo gbɔ, tùtà Maseràa, Arɔ̀n ku, eye wo ɖì ì ɖo funua. Èvia Eleazàr xɔ̀ hũbonɔ be èdɔ̀a ɖo ye tèpe#10.6 Kpɔ Hɛ̃h 20.28; 33.38.. 7Funua ye wo so, yì Gudgodà, eye kè wo so Gudgodàa, wo tùtà Yotbatà kè nyi ètɔ̀ wɔ̀ àdã be ànyigbã a ji. 8Hùe ŋua nu ye Tɔhonɔ̀ ɖè Levìwo be kɔ̀taa ɖo vò, ne woa nɔ kɔkɔ Tɔhonɔ̀ be Zòɖùɖu-Ɖakà a, nɔ nɔ̀ Tɔhonɔ̀ be ŋùkɔ̀, sɔ nɔ wɔ̀ sɛ̃sɛ̃-dɔa na Tɔhonɔ̀. Eye woa nɔ tusì na àmèwo, sìgbè lekè wo le wɔ̀ ɛ̀ egbèa nène#10.8 Kpɔ Hɛ̃h 3.5-8; 8.5-19.. 9Ekèa ŋuti ye Levì be kɔ̀taa mu xɔ̀ ècrɔ̃nu, àlo ènu mamã ɖekpe, sìgbè lekè Levì be nɔ̀viwo xɔ̀ ècrɔ̃nua nène ò. Tɔhonɔ̀ ye nyi woabe ècrɔ̃nu, sìgbè lekè Tɔhonɔ̀, mìabe Mawu a fìã àjɔ̀gbè na woa nène.

10Mù gbà nɔ̀ ètoa ji, ŋùkèkè èkà, èzã èkà ke, sìgbè sãa nène#10.10 Kpɔ Tot 34.28. Eye Tɔhonɔ̀ gbà ɖo èto àpe kuefãa ke. Tɔhonɔ̀ lɔ̃ be yè mu la crɔ̃ mì ò. 11E yomè a, Tɔhonɔ̀ gblɔ̃ na mù be: 'Sitè, yì dùkɔ̃a be ŋùkɔ̀, ne wòa ɖè ègbè na wo, ne woa hɔ̃ jo. Wo la yì xɔ̀ ànyigbã kè be àjɔ̀gbè mù fìã be mù la sɔ na woa tɔwoa ji.'

Lɔ̃lɔ̃ ku ètonusèse be èse

12Eŋuã fifìa, Izràɛlviwo, nukɛ ye Tɔhonɔ̀ mìabe Mawu a le biɔ so mìa si ò? E le ji kpò be mìa si Tɔhonɔ̀, ne mìa wɔ̀ ɖo ɖoɖo kèwo keŋu be do àsi na mìa ji. Mìa lɔ̃ Tɔhonɔ̀ mìabe Mawu a, mìa nɔ sɛ̃ ɛ̀ ku mìabe èjì blibo ku mìabe àmèti blibo. 13Mìa le yebe ɖoɖo ku èse kèwo mù sɔ na mì egbèa ɖo àsi, na mìa ŋutɔ, mìabe nyɔna. 14Ɛ̃ɛ, kpɔɖa, Tɔhonɔ̀ tɔ̀ ye nyi jiŋùkusi, jiŋùkusiwo be jiŋùkusi cã, Tɔhonɔ̀ tɔ ye be nyi, kpe ɖo ànyigbãa ku ènu kèwo keŋu lè e jia kpata. 15Mìa tɔwo kpò ye Tɔhonɔ̀ lɔ̃ sãa. Lɔ̃lɔ̃ kè Tɔhonɔ̀ ɖo na mìa tɔwoa wɔ̀ ègũ àleke be e cã mìawo kè nyi woabe jìjimèviwoa lè dùkɔ̃wo keŋu dòmè, jè woa yomè, eye mì nyi yebe àmè cãcãwo kaka va na egbè. 16Ekèa ŋutia, mì sò èvo#10.16 Èvo sòso nyi Tɔhonɔ̀ be dùkɔ̃mèvi nyinyi be jèsì. Tɔhonɔ̀ gblɔ̃ na Izràɛlviwo, lè fikèa, be wo ne ɖè ènu kèwo keŋu le na be wo le lìa èkɔ̀, eye wo mu le sè ètonu na yè ò a, jo lè woabe èjì mè. na mìabe èjìwo, ne mì mu gbà nɔ sĩkã ke ò, 17ɖoa, Tɔhonɔ̀, mìabe Mawu a ye nyi ènu sɛ̃sɛ̃wo#10.17 Lè xoma buwo mèa, wo gblɔ̃ be “…mawuwo keŋu be Mawu…” Yòvowo mu ɖo ènyàti bu na “vòdu” ò. Ènyàti kè wo sɔ yɔna Mawu a, ke ye wo sɔ yɔna “vòdu” cã. keŋu be Mawu ku tɔhonɔ̀wo be Tɔhonɔ̀#10.17 Kpɔ 1Tim 6.15; Àvì 17.14; 19.16, Mawu gã kè si ŋusɛ̃ lè, kè ɖo vɔ̃vɔ̃, kè mu kpɔna#10.17 Dɔw 10.34; Rom 2.11; Efe 6.9 àmè be ŋùmè kaka la teŋu ɖù èzãnu ò. 18Mawu ye sònà jɔ̀jɔɛ na ècɔɛ̀vi ku àhòsìwo. E lɔ̃nà àmèjrowo, eye be nana wo ènu ɖùɖu ku ènudodo. 19Mìawo cã, mì lɔ̃ àmèjrowo, ɖoa, àmèjrowo mìa cã mì nyi, gà kè mè mì nɔ̀ Ejiptè-nyigbã jia.

20Tɔhonɔ̀, mìabe Mawu ye mì la bù, eye mì la sumɔ. E ye ŋuti ye mì la tɛ ɖo, la nɔ sɛ̃ ɛ̀. Yebe nyikɔ ye mì la sɔ nɔ kã àtãŋu. 21Tɔhonɔ̀ ye mì la nɔ kafu, ɖoa, e ye nyi mìabe Mawu kè wɔ̀ ènu gã ku ènu ɖo vɔ̃vɔ̃ kèwo mìawo ŋutɔ, mì kpɔ ku mìabe ŋùkuviwoa. 22Àgbètɔ èkàtakpo ci èwo kpò ye mìa tɔwo nyi, wàlɛbɛ kè wo va ɖo Ejiptè-nyigbã jia. Gãke fifìa, Tɔhonɔ̀, mìabe Mawu a na, mì gbà sùgbɔ sìgbè wètriviwo lè jiŋùkusi nène.

Currently Selected:

Èsea gbìgbɔ̀ hlɛ̃ 10: GEN

Highlight

Copy

Compare