Popular Bible Verses from Èsea gbìgbɔ̀ hlɛ̃ 10

Share

Eŋuã fifìa, Izràɛlviwo, nukɛ ye Tɔhonɔ̀ mìabe Mawu a le biɔ so mìa si ò? E le ji kpò be mìa si Tɔhonɔ̀, ne mìa wɔ̀ ɖo ɖoɖo kèwo keŋu be do àsi na mìa ji. Mìa lɔ̃ Tɔhonɔ̀ mìabe Mawu a, mìa nɔ sɛ̃ ɛ̀ ku mìabe èjì blibo ku mìabe àmèti blibo. Mìa le yebe ɖoɖo ku èse kèwo mù sɔ na mì egbèa ɖo àsi, na mìa ŋutɔ, mìabe nyɔna.

ɖoa, Tɔhonɔ̀, mìabe Mawu a ye nyi ènu sɛ̃sɛ̃wo keŋu be Mawu ku tɔhonɔ̀wo be Tɔhonɔ̀, Mawu gã kè si ŋusɛ̃ lè, kè ɖo vɔ̃vɔ̃, kè mu kpɔna àmè be ŋùmè kaka la teŋu ɖù èzãnu ò.

Ekèa ŋutia, mì sò èvo na mìabe èjìwo, ne mì mu gbà nɔ sĩkã ke ò

Mawu ye sònà jɔ̀jɔɛ na ècɔɛ̀vi ku àhòsìwo. E lɔ̃nà àmèjrowo, eye be nana wo ènu ɖùɖu ku ènudodo.

Tɔhonɔ̀ ye mì la nɔ kafu, ɖoa, e ye nyi mìabe Mawu kè wɔ̀ ènu gã ku ènu ɖo vɔ̃vɔ̃ kèwo mìawo ŋutɔ, mì kpɔ ku mìabe ŋùkuviwoa.

Tɔhonɔ̀, mìabe Mawu ye mì la bù, eye mì la sumɔ. E ye ŋuti ye mì la tɛ ɖo, la nɔ sɛ̃ ɛ̀. Yebe nyikɔ ye mì la sɔ nɔ kã àtãŋu.

Ɛ̃ɛ, kpɔɖa, Tɔhonɔ̀ tɔ̀ ye nyi jiŋùkusi, jiŋùkusiwo be jiŋùkusi cã, Tɔhonɔ̀ tɔ ye be nyi, kpe ɖo ànyigbãa ku ènu kèwo keŋu lè e jia kpata.

Mìawo cã, mì lɔ̃ àmèjrowo, ɖoa, àmèjrowo mìa cã mì nyi, gà kè mè mì nɔ̀ Ejiptè-nyigbã jia.