1 PEDRO 1
1
Pag-abiabi
1Si Pedro, pinadala ni Jesu-Cristo,
Sa mga manlulugayaw sa nag-alaplaag sa Ponto, sa Galacia, sa Capadocia, sa Asia, kag sa Bitinia, 2nga pinili kag tinangdo sang Dios nga Amay kag ginpakabalaan sang Espiritu nga sa pagtuman kag pangwisik sang dugo ni Jesu-Cristo:
Ang bugay kag paghidait pagpaukaron sa inyo.
Buhing Paglaum
3Dayawon ang Dios kag Amay sang aton Ginoong Jesu-Cristo! Bangud sang iya dakung kalooy natawo kita liwat sa paglaum nga buhi paagi sa pagkabanhaw ni Jesu-Cristo, 4kag sa panublion nga dimadinulunton, walay dagta, kag nagapadayon, natigana sa langit tungud sa inyo, 5nga sa gahum sang Dios ginabantayan paagi sa pagtoo nga sa kaluwasan nga handa ipahayag sa katapusan nga tion. 6Sa sini nagakalipay kamo, bisan karon sa malip-ot nga tion kinahanglan mag-antus kamo sang mga sari-sari nga pagtilaw, 7agud nga ang pagkaulay sang inyo pagtoo, nga hamili pa sa bulawan nga bisan nagakawala ginatilawan ini sa kalayo, masapwan nga sa kadayawan kag himaya kag kadungganan sa pagpahayag ni Jesu-Cristo. 8Sa wala ninyo makita sia ginahigugma ninyo sia; bisan karon wala ninyo sia makita, nagatoo kamo sa iya kag nagakalipay sa kalipay nga dimaasoy kag pinakamataas. 9Subong nga bunga sang inyo pagtoo ang kaluwasan sang inyo mga kalag inyo naagum.
10Nahanungud sa among kaluwasan ang mga manalagna nagpangita kag nag-usisa nga nagtagna sang bugay nga maga-abut sa inyo; 11sila nag-usisa kon sin-o ukon ano nga tion ang gintudlo sang Espiritu ni Cristo nga yara sa ila sang nagatagna sang mga pag-antus ni Cristo kag sang himaya nga magasonod. 12Sa ila ginbugna nga indi sa ila gid kondi sa inyo ginhikot nila ini nga mga butang, nga karon ginabalita sa inyo paagi sa mga nagwali sang maayong balita sa inyo bangud sang Espiritu Santo nga ginpadala gikan sa langit, nga sa among mga butang ang mga manugtunda nagahandum sa pagtan-aw.
Pagtawag sa Balaan nga Pagkabuhi
13Busa ihanda ninyo ang inyo mga hunahuna, magbut-anan, ipahamtang sing bug-os ang inyo paglaum sa bugay nga dalhon sa inyo sa pagpahayag ni Jesu-Cristo. 14Subong nga mga anak nga matinumanon, dili magpauyon sa lakas nga mga balatyagon sang inyo unang pagkakulang sing ihibalo, 15kondi subong nga ang nagtawag sa inyo balaan, magpakabalaan man kamo gid sa tanan nga paggawi; 16kay nasulat na, “Magpakabalaan kamo, kay balaan ako.”#Lev. 11:44-45; 19:2. 17Kag kon nagatawag kamo sa iya subong nga Amay nga sa walay pinasulabi sa mga tawo nagahukom sono sa binuhatan sang tagsa ka tawo, maggawi kamo sa kahadluk sa tion sang inyo pagpanlugayaw. 18Kamo nakahibalo nga gintubus kamo, indi sang madinulunton nga mga butang subong sang pilak ukon bulawan, gikan sa walay pulus ninyo nga paggawi nga napanubli gikan sa inyo mga ginikanan, 19kondi sang hamiling dugo ni Cristo, subong sang cordero nga walay kasawayan kag walay dagta. 20Sia gintangdo sa wala pa ang pagpasad sang kalibutan apang ginpahayag sa katapusan sang mga tion tungud sa inyo. 21Paagi sa iya may pagsalig kamo sa Dios, nga nagbanhaw sa iya kag naghatag sa iya sing himaya, agud nga ang inyo pagtoo kag paglaum manginsa Dios.
22Sang natinloan ang inyo mga kalag tungud sa inyo pagkamatinumanon sa kamatooran nga sa bunayag nga gugma sa mga kauturan, maghigugmaanay kamo sing hanuut gikan sa tagiposoon. 23Natawo kamo liwat, indi sa madinulunton nga binhi kondi sa dimadinulunton, paagi sa buhi kag nagapadayon nga polong sang Dios; 24kay
“Ang tanan nga unud subong sang hilamon
kag ang tanan niya nga himaya subong sang bulak sang hilamon.
Nagakalaya ang hilamon, kag nagakapulak ang bulak,
25apang ang polong sang Ginoo nagapadayon sa gihapon.’#Isa. 40:6-9.
Ina amo ang polong sang maayong balita nga ginbantala sa inyo.
Currently Selected:
1 PEDRO 1: ABHIL82
Highlight
Copy
Compare
Share
Want to have your highlights saved across all your devices? Sign up or sign in
Ang Biblia ©1982 Philippine Bible Society
