Popular Bible Verses from 1 PEDRO 1

Share

Dayawon ang Dios kag Amay sang aton Ginoong Jesu-Cristo! Bangud sang iya dakung kalooy natawo kita liwat sa paglaum nga buhi paagi sa pagkabanhaw ni Jesu-Cristo, kag sa panublion nga dimadinulunton, walay dagta, kag nagapadayon, natigana sa langit tungud sa inyo

Sa sini nagakalipay kamo, bisan karon sa malip-ot nga tion kinahanglan mag-antus kamo sang mga sari-sari nga pagtilaw, agud nga ang pagkaulay sang inyo pagtoo, nga hamili pa sa bulawan nga bisan nagakawala ginatilawan ini sa kalayo, masapwan nga sa kadayawan kag himaya kag kadungganan sa pagpahayag ni Jesu-Cristo.

kondi subong nga ang nagtawag sa inyo balaan, magpakabalaan man kamo gid sa tanan nga paggawi; kay nasulat na, “Magpakabalaan kamo, kay balaan ako.”

Subong nga mga anak nga matinumanon, dili magpauyon sa lakas nga mga balatyagon sang inyo unang pagkakulang sing ihibalo

Busa ihanda ninyo ang inyo mga hunahuna, magbut-anan, ipahamtang sing bug-os ang inyo paglaum sa bugay nga dalhon sa inyo sa pagpahayag ni Jesu-Cristo.

kay “Ang tanan nga unud subong sang hilamon kag ang tanan niya nga himaya subong sang bulak sang hilamon. Nagakalaya ang hilamon, kag nagakapulak ang bulak, apang ang polong sang Ginoo nagapadayon sa gihapon.’ Ina amo ang polong sang maayong balita nga ginbantala sa inyo.