Mga Taga-Efeso 6
6
Mga Anak kag mga Ginikanan
1Mga#Col. 3:20. anak, inyo Cristohanon nga katungdanan ang#6:1 Ang iban nga mga manuskrito wala singinyo Cristohanon nga katungdanan ang. pagtuman sa inyo mga ginikanan, kay amo ini ang nagakaigo. 2“Tahura#Exo. 20:12; Deut. 5:16. ang imo amay kag iloy” amo ang nahauna nga sugo nga may dugang nga saad: 3“agod ang tanan manginmaayo sa imo, kag magakabuhi ka sing malawig sa duta.”
4Mga#Col. 3:21. ginikanan, indi ninyo pagpaakiga ang inyo mga anak. Sa baylo, sagura sila sa Cristohanon nga pagtudlo kag pagdisiplina.
Mga Ulipon kag mga Agalon
5Mga#Col. 3:22-25. ulipon, tumana ninyo ang inyo dutan-on nga mga agalon nga may pagtahod kag pagkahadlok, kag himua ninyo ini nga may sinsero nga tagipusoon, subong nga daw nagaalagad kamo kay Cristo. 6Himua ninyo ini indi lamang kon nagatan-aw sila sa inyo agod sa paglipay sa ila, kundi sa bug-os ninyo nga tagipusoon himua ninyo ang naluyagan sang Dios, subong mga ulipon ni Cristo. 7Himua ninyo ang inyo bulohaton nga may kalipay subong mga ulipon, kaangay nga nagaalagad kamo sa Ginoo, kag indi lamang sa mga tawo. 8Dumdoma ninyo nga ang Ginoo magabalos sa tagsa ka tawo, suno sa maayo nga buhat nga iya ginahimo, bisan ulipon sia ukon hilway.
9Mga#Col. 4:1; Deut. 10:17; Col. 3:25. agalon, amo man ini ang himuon ninyo sa inyo mga ulipon, kag indi ninyo sila pagpahuga. Dumdoma ninyo nga kamo kag ang inyo mga ulipon may isa lang ka Agalon sa langit, nga wala sing may ginapasulabi.
Ang Bug-os nga Panaming sang Dios
10Sa katapusan, magmalig-on kamo sa inyo paghiusa sa Ginoo, kag paagi sa iya gamhanan nga kusog. 11Isuklob ninyo ang bug-os nga panaming nga ginahatag sang Dios sa inyo, agod sarang kamo makabato sa mga daya sang Yawa. 12Kay wala kita nagapakig-away batok sa mga tawo, kundi batok sa malaut kag espirituhanon nga mga kusog sa kalangitan, mga pangulo, mga awtoridad, kag kalibutanon nga mga gahom sa sining madulom nga panag-on. 13Gani karon gamita ninyo ang bug-os nga panaming sang Dios, agod nga kon mag-abot ang malaut nga adlaw, sarang kamo makabato sa mga pagsalakay sang kaaway, kag sa tapos kamo makapakig-away tubtob sa katapusan, malig-on man gihapon kamo.
14Gani#Isa. 11:5; Isa. 59:17. #Klm. Sol. 5:18-23. maghanda kamo: iwagkus ninyo ang kamatuoran sa inyo mga hawak subong isa ka paha, itakod ang pagkamatarong subong panaming sa dughan, 15kag#Isa. 52:7. isuksok ninyo ang inyo sapatos sang pagkahanda sa pagwali sang Maayong Balita sang paghidait. 16Sa tanan nga tion gamita ninyo ang pagtuo subong taming. Paagi sini sarang ninyo mapalong ang nagadabdab nga mga baslay nga ginapana sang Yawa sa inyo. 17Isuksok#Isa. 59:17. ang kaluwasan subong helmet, kag dalha ang pulong sang Dios subong espada nga ginahatag sang Espiritu sa inyo. 18Himua ini tanan sa pangamuyo, nga nagapangayo sang bulig sang Dios. Pangamuyo kamo sa tanan nga tion, suno sa pagtuytoy sang Espiritu. Sa sini nga kabangdanan magbantay kamo kag magpadayon, magpangamuyo kamo sa gihapon para sa tanan nga mga tumoluo. 19Kag magpangamuyo man kamo para sa akon, nga ang Dios maghatag sa akon sang mga pulong nga akon inughambal, agod nga mahambal ko ini nga may kaisog kag mapahayag ko ang sekrito sang Maayong Balita. 20Tungod sining Maayong Balita isa ako ka embahador, bisan nga karon yari ako sa bilangguan. Magpangamuyo kamo agod nga may kaisog ako sa paghambal sang Maayong Balita nga dapat ko ihambal.
Katapusan nga mga Pag-abiabi
21Si#Bin. 20:4; 2 Tim. 4:12.#Col. 4:7-8. Tiquico, ang aton pinalangga nga utod kag matutom nga alagad sa hilikuton sang Ginoo, magasugid sa inyo sang tanan nga balita nahanungod sa akon, agod nga mahibaluan ninyo ang akon kahimtangan. 22Amo ina ang kabangdanan nga ginapadala ko sia sa inyo, agod masugid niya sa inyo ang amon kahimtangan, kag mapabakod niya ang inyo mga tagipusoon.
23Kabay nga ang Dios nga Amay kag ang Ginoong Jesu-Cristo maghatag sing paghidait, gugma, kag pagtuo sa tanan nga mga kautoran. 24Kabay nga ang pagpakamaayo sang Dios manginyara sa tanan nga mga nagahigugma sa aton Ginoong Jesu-Cristo sa gugma nga wala sing katapusan.
Currently Selected:
Mga Taga-Efeso 6: MBBHIL12
Highlight
Copy
Compare
Share
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
