Popular Bible Verses from Mga Taga-Efeso 6

Share

Kay wala kita nagapakig-away batok sa mga tawo, kundi batok sa malaut kag espirituhanon nga mga kusog sa kalangitan, mga pangulo, mga awtoridad, kag kalibutanon nga mga gahom sa sining madulom nga panag-on.

Himua ini tanan sa pangamuyo, nga nagapangayo sang bulig sang Dios. Pangamuyo kamo sa tanan nga tion, suno sa pagtuytoy sang Espiritu. Sa sini nga kabangdanan magbantay kamo kag magpadayon, magpangamuyo kamo sa gihapon para sa tanan nga mga tumoluo.

Isuklob ninyo ang bug-os nga panaming nga ginahatag sang Dios sa inyo, agod sarang kamo makabato sa mga daya sang Yawa.

Gani karon gamita ninyo ang bug-os nga panaming sang Dios, agod nga kon mag-abot ang malaut nga adlaw, sarang kamo makabato sa mga pagsalakay sang kaaway, kag sa tapos kamo makapakig-away tubtob sa katapusan, malig-on man gihapon kamo.

Sa tanan nga tion gamita ninyo ang pagtuo subong taming. Paagi sini sarang ninyo mapalong ang nagadabdab nga mga baslay nga ginapana sang Yawa sa inyo. Isuksok ang kaluwasan subong helmet, kag dalha ang pulong sang Dios subong espada nga ginahatag sang Espiritu sa inyo.

Gani maghanda kamo: iwagkus ninyo ang kamatuoran sa inyo mga hawak subong isa ka paha, itakod ang pagkamatarong subong panaming sa dughan, kag isuksok ninyo ang inyo sapatos sang pagkahanda sa pagwali sang Maayong Balita sang paghidait.

Sa katapusan, magmalig-on kamo sa inyo paghiusa sa Ginoo, kag paagi sa iya gamhanan nga kusog.

“Tahura ang imo amay kag iloy” amo ang nahauna nga sugo nga may dugang nga saad: “agod ang tanan manginmaayo sa imo, kag magakabuhi ka sing malawig sa duta.”

Mga anak, inyo Cristohanon nga katungdanan ang pagtuman sa inyo mga ginikanan, kay amo ini ang nagakaigo.