1 Мусэ 22
22
Тхьэм Ибрэхьим зэригъэунэхуар
1А къэхъукъащӀэхэм я ужькӀэ Тхьэм игъэунэхуащ Ибрэхьим, мыр къыжриӀэри:
– Ибрэхьим!
– Сымис сэ, – жиӀащ абы.
2– Къащтэ уи къуэр, фӀыуэ плъагъу уи къуэ закъуэр, Исхьэкъыр, – жиӀащ Тхьэм, – Морый щӀыналъэм кӀуэи, абдежым къурмэныпхъэу щыгъэс ар бгыхэм ящыщу Сэ уэзгъэлъагъуну зым и щыгум.
3Ибрэхьим къэтэджащ пщэдджыжьэм жьыуэ, и шыдым уанэ трилъхьащ, здришэжьащ и унэӀутхэм ящыщу тӀурэ и къуэ Исхьэкърэ; икъутащ къурмэн мафӀэ зэрищӀыну пхъэр, икӀи зиӀэтри ежьащ Тхьэм жыхуиӀа щӀыпӀэм. 4Ещанэ махуэм Ибрэхьим и напӀэр иӀэтри, аддэ жыжьэу къыщилъэгъуащ а щӀыпӀэр.
5ЯжриӀащ Ибрэхьим и унэӀутитӀым:
– Фыкъанэ мыбдежым, шыдым фригъусэу; си къуэмрэ сэрэ абы дыкӀуэнщи, Тхьэм делъэӀунщ, итӀанэ фи деж къэдгъэзэжынщ.
6Ибрэхьим мафӀэ зэрищӀыну пхъэр къищтэри трилъхьащ и къуэ Исхьэкъым и дамэхэм; езым мафӀэрэ сэрэ къыздищтэри, ежьащ тӀури зэгъусэу.
7Исхьэкъ и адэ Ибрэхьим мыпхуэдэу жриӀащ:
– Си адэ!
– Сымис сэ, си къуэ, – жэуап итыжащ абы.
– Мис мафӀэри пхъэри, атӀэ дэнэ щыӀэ къурмэныпхъэу дгъэсыну щынэр? – жиӀащ абы.
8– Тхьэм къысхухихынущ къурмэныпхъэу Езым хуэдгъэсыну щынэр, си къуэ, – жиӀащ Ибрэхьим.
Арати, кӀуэрт адэкӀэ тӀури зэгъусэу.
9Нэсащ Тхьэм жыхуиӀа щӀыпӀэм; щиухуащ абдежым Ибрэхьим къурмэнщӀыпӀэ, трилъхьащ пхъэр, икӀи и къуэ Исхьэкъ ипхри, трилъхьащ ар къурмэнщӀыпӀэм, пхъэхэм я щӀыӀукӀэ. 10Ишиящ Ибрэхьим и Ӏэр, къищтащ сэр, и къуэр иукӀын папщӀэ. 11Ауэ Зиусхьэным и мелыӀычыр уафэм къыхуеджыхри, къыжриӀащ абы:
– Ибрэхьим! Ибрэхьим!
– Сымис сэ, – жиӀащ абы.
12– ХуумыӀэт уи Ӏэр ныбжьыщӀэм, йомыщӀэ абы зыри, – жиӀащ мелыӀычым, – сыт щхьэкӀэ жыпӀэмэ иджы Сэ сощӀэ уэ Тхьэм узэрыщышынэр икӀи сэр папщӀэ уи къуэм, уи къуэ закъуэм, узэрыщымысхьар.
13Абдеж Ибрэхьим и напӀэр иӀэтри, илъэгъуащ: мес, и щӀыбагъымкӀэ тӀыр бжьакъуэхэмкӀэ хэнауэ чыцэм хэтщ. Ибрэхьим кӀуэщ, мэлыр къищтэри, къурмэныпхъэу игъэсащ езым и къуэм и пӀэкӀэ.
14ФӀищащ Ибрэхьим а щӀыпӀэм цӀэ: Иеговэ-ире#22:14 Иеговэ-ире – абы къикӀыр: Зиусхьэным къытхуегъуэт.. (Зиусхьэным къытхуегъуэт). Аращ ноби щӀыжаӀэр: Зиусхьэным и бгым деж къыщытхуигъуэтынущ.
15Зиусхьэным и мелыӀычыр уафэм къыхуеджыхри, 16Ибрэхьим къыжриӀащ:
– Псалъэ быдэкӀэ жызоӀэ, –
жеӀэ Зиусхьэным,
– уэ мы Ӏуэхур зэрыпщӀам щхьэкӀэ,
икӀи уи къуэм, уи къуэ закъуэм,
узэрыщымысхьам щхьэкӀэ,
17Си нэфӀ ныпщыхуэнущ,
уэ къыптехъукӀыну бынхэри згъэбэгъуэнущ,
уафэм ит вагъуэхэмрэ
хы Ӏуфэм Ӏулъ пшахъуэмрэ я бжыгъэм хуэдизу;
икӀи къаӀэщӀыхьэнущ уэ къыптехъукӀыну бынхэм я
бийхэм я къалэхэр.
18Уэ къыптехъукӀыну бынхэм я хьэтыркӀэ
дунейм и лъэпкъ псоми си нэфӀ ящыхуэнущ,
си псалъэм укъызэредэӀуам папщӀэ.
19Къигъэзэжащ, арати, Ибрэхьим и унэӀутитӀым я деж, ахэри къэтэджыжри, кӀуэжащ зэгъусэу Бэр-Шэвэ; икӀи щыпсэуащ Ибрэхьим Бэр-Шэвэ.
Ибрэхьим и шынэхьыщӀэ Нахъор къытехъукӀахэр
20А къэхъукъащӀэхэм я ужькӀэ Ибрэхьим хъыбар кърагъэщӀащ, мыр къыжраӀэри: Милкъэ къыхуилъхуащ уи къуэш Нахъорым къуэхэр: 21Щыпэрылъхуу Уц, абы и къуэш Буз, Арамэ и адэ Кемуел, 22Кэсэд, Хазо, Пилдаш, Идлаф, Бэтуел сымэ.
23Бэтуел къыхуалъхуащ Ребеккэ.
А бынийр Милкъэ къыхуилъхуащ Нахъор, Ибрэхьим и къуэшым. 24Абы и унэӀут бзылъхугъэ Рэумэ зи цӀэми къилъхуащ Тэбахъ, Гъахъам, Тахъаш, МэӀах сымэ.
Currently Selected:
1 Мусэ 22: KbdNTGP2017
Highlight
Copy
Compare
Share
Want to have your highlights saved across all your devices? Sign up or sign in
© Библиер зэдзэкӀыным елжь Институт, 1993, 2007, 2011, 2017
