ETALEYEHINA 16

Arranyi Jore Hollum

1Attati ni itayiruna obo etuk onno okuat ikiana to tua haji musiama jio ajilohien hula hattarik jio, “Ifuatta iluahina arranyi jore Hollum huna hattarik ifau!”

2Ania, ette ajilo etteri iluahina arrany honyi attany afau, buo atoŋos hunno orrohoji buo fe omiji bebe ette isur ihuattek waati hunyia owoni 'to iko eherit ono ahuanyani, buo fe ihuattek hia hunyia itahabuye 'to arrijiori honyi.

3Attati ajilo etarrihi iluahina arrany honyi itua hari enne ittok, buo aari ette irahan ihuo nooto tulo ayaani, buo asaŋ hutto tua hari ette iye.

4Attati ajilo etahunihi iluahina arrany honyi itua oworio iko ilottilihi, buo isi ette irahan a hoto. 5Attati ni itayiruna ajilo amijani hari ikiana jiojio,

“Eii, Lolibo! Obis eram enne iŋot iyye; iyye elle iwon 'to ihuania buo fe iwon nyia berien.

6Nyio, itawouni nyia isi nooto waati Hollum iko ono ekianak honyi 'daŋ. Ihuania, itamat iyye isi nooto, ihuo osiru tesi!”

7Attati ni itayiruna obo etuk ottu tetitiek ehumi onno ojio jio, “Eii, Hollum Lamonye, Laduarani! Obisi eŋotiti hiram hoi buo fe arai ahode!”

8Attati ajilo etaŋuani iluahina arrany honyi ihide holoŋ. Aŋatani nyia oloŋ isuahiere aati te enohit honyi onno orroho 'to bebe. 9Osuak nyia enohit onno orroho 'to ania aati, ette isi imorio afure Hollum, ollo owon 'to iko aduaran itihotiere ettigemita hunia. Ati obeŋi nyia isi idehini eyyata hosi, ette itahabuyo inyi.

10Attati ajilo etamiyeti iluahina arrany honyi iseger ilohittok ono ahuanyani ania, ette obuore ahuanyani ania irahan edumele, ette aati iruta aala hosi te eram diaha onno owon 'to jihosi. 11Ta adiaha toŋos hosi, omorie isi Hollum ettedou. Ati, obeŋi nyia isi idehini ehanita hosi hunno orrohoji 'to hunia.

12Attati ajilo etilleji iluahina arrany honyi ihari Yufrets enne ittokon, ette itayoho aari ania ihuhumaniere nekoi jio obuok hullo ofuonni 'to teduoŋi holoŋ. 13Attati ni igonyuna oloholioo hunihoi hunno orrohoji, hunne iyyaluni eddodduohi. Ojiŋuni nyia eddodduohi hunia to hutuk nyamanit, to hutuk hahuanyani iko to hutuk ekianani enyabani ollo ojio 'to jio ekiana inyi eram Hollum. 14Isi hunia oloholioo miniaŋa hunyia, owoni 'to iko agolon ihaniere eduariti. Iluri nyia isi jio oobuok hutta fau 'daŋ, ittuttubaniere isi ifere to Oloŋ enne ittokon ono Hollum, Laduarani. 15#Mat 24:43-44; Luk 12:39-40; Eta 3:3“Itaniŋiete! Attu adi ni ihuo olohoho. Hotomunoi lia, ollo odulo 'to amijio, buo fe odulo erriria aboŋojin honyi jio ŋadi inyi adaha ihiji waati aŋaturoi, ette ariri inyahina inyi.”

16Ottubani nyia oloholioo hunia oobuok 'daŋ jio amaji anna anya Armageddon, te ekiana Ebrei.

17Attati ajilo etahattarihi iluahina arrany honyi iloyyami. Itayiruno nyia etuk onno okuat to seger ilohittok otto haji musiama, onno ojio jio, “Atuhuno!” 18#Eta 8:5; 11:13, 19Owoni nyia diya, emedehita iko etirita hilai, attor hutuhe iko olokitik onno orroho bebe. Hobeŋ obo olokitik ara ihuo ania, many hoyyeuni atulo ifau. Agalik nyia arrohoji ono olokitik ania 'daŋ! 19Oguak nyia inyi Babilonia, abore gala ehittok, aŋacio hunihoi, ette buo fe itaritihoro aborejin gala hutta fauhien 'daŋ. Ogilu nyia Hollum Babilonia, abore gala ehittok, ette itamatana inyi abalu te ematit honyi…abalu ono ajore honyi onno orroho 'to bebe. 20#Eta 6:14Olitohini nyia afuli 'daŋ, buo fe adoŋiok 'daŋ ette ituhoro. 21#Eta 11:19Attati afalaŋa onno obolo, iddoddouna tedou jio aati, many omorierek isi Hollum te eram afalaŋa ania; nyio orroho nyia afalaŋa ania bebe. Ara nyia addiŋi falaŋati honyi ihuo akilohien atomuana aŋuan homiyet.

Currently Selected:

ETALEYEHINA 16: EA2003

Highlight

Copy

Compare