ETALEYEHINA 15

Ajilohien iko Ettigemita Esidita

1Attati ni igonyuna obo etamijani idou onno ogol enne iyaŋuno ellilliha. Egonyu nyia ni nyia omuk ajilohien hattarik hullo owoni iko ettigemita hattarik, hunna arai 'to esidita, nyio isid ajore Hollum tesi.

2Attati ni igonyuna obo ariŋ anna ara ihua atafar gilas enne iharuto iko neema. Owotiai nyia aati iger honyi, buo oŋuahatie adorri hunyia isiarak Hollum jihosi. Isi hulia aati hunyia itatturi 'to ahuanyani iko arrijiori honyi buo fe itatturi lia, linyia ara anamba afure honyi. 3Idoloi nyia isi afure ono Mose egiamani Hollum iko afure ono Olosobe onno ojio 'to jio:

“Eii, Hollum Lamonye Laduarani,

obolori ehanita hoi buo fe oyiji bebe!

Hobu olo afauhien#15:3 afauhien : igioroni omuk egierita jio, asik. 'daŋ,

obisi ehanita hoi buo fe arai hode!

4Lamonye! Ŋai 'tadi ollo obeŋ 'to abaŋ afure hoi?

Ŋai 'tadi ollo obeŋ 'to itahabuyo afure hoi?

Iyye hama ololibo.

Ofuonni adi afauhien 'daŋ itahabuyo iyye,

nyio, igonyuni isi 'daŋ abisan ono ehanita hoi.”

5Ihalu erre hunia, ette ni igonyuna aaji musiama ettedou aŋaa, buo Amaji Elibo owon itua honyi. 6Jio amusiama ania, ojiŋuni nyia ajilohien hattarik hullo owoni iko ettigemita hattarik. Iyyafatie nyia isi aboŋojin hunno olibori buo opipiahi, buo fe ottodoni agasi 'yel isuhiara hosi. 7Attati obo tehiji asaŋ huna aŋuan hunne isui 'to isiarana arranyi 'yel hattarik jio ajilohien hula hattarik. Ifuti nyia arranyi hunia iko ajore Hollum ollo osio 'to 'tulaŋ 'tulaŋ. 8Ifut nyia afuro, onno ottu 'to jio akuatan iko jio aduaran Hollum, itua haji musiama. Obeŋ nyia tulo oremik jiŋara diya many otuhorik ettigemita hattarik hunyia iyaŋunie ajilohien hula hattarik.

Currently Selected:

ETALEYEHINA 15: EA2003

Highlight

Copy

Compare